कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
चैत २, २०७६
विश्वका विभिन्न देशमा रहेका नेपाली र विदेशीहरू नेपाल आउँदा ज्वरो र स्वास्थ्य जाँचका लागि सरकारले त्रिभुवन अन्तर्राष्ट्रिय विमानस्थलमा ‘हेल्थ डेस्क’ स्थापना गरेको छ ।
विदेशबाट नेपाल भित्रने जो कोहीले पनि हेल्थ डेस्कमा अनिवार्य रूपमा आफ्नो तापक्रम जाँच र ट्राभल पब्लिक डिटेक्सन फारम भर्नुपर्ने हुन्छ ।
कोरोनाको संक्रमण फैलिएका देशहरूमध्ये चीनबाहेक अन्य देशबाट नेपाल भित्रिने एक मात्र नाका त्रिभुवन विमानस्थल हो ।
चीनसँगका पनि स्थलगत नाकाहरू बन्द गरिएकाले विमानस्थल भएर नै आउनुपर्ने बाध्यता छ ।
यस हिसाबले हेर्दा कोरोनाको सबैभन्दा ठूलो जोखिममा नेपालको कुनै ठाउँ छ भने त्यो त्रिभुवन विमानस्थल नै हो ।
तर, त्रिभुवन विमानस्थलमा पुग्दा कोरोनाविरुद्ध सतर्कताका लागि उच्च सावधानी अपनाएको पाइएन ।
आइतवार दिउँसो विमानस्थल पुग्दा त्यहाँ कार्यरत प्रहरी, अध्यागनका कर्मचारी, विमानस्थलका कर्मचारी, सुरक्षा गार्ड, विभिन्न एयरलाइन्सका कर्मचारी लगायत त्रिभुवन अन्तर्राष्ट्रिय विमानस्थलमा अवतजावत गर्ने धेरैजसोले मास्क नलगाएको पाइयो ।
विमानस्थलका प्रवक्ता देवचन्द्रलाल कर्णले सबै कर्मचारीले मास्क लगाएको र ट्वाइलेटमा समेत स्यानिटाइजर प्रयोग गरेको दाबी गरे पनि अवस्था बिलकुल फरक थियो ।
अधिकांश कर्मचारीले मास्क नलगाएको र संक्रमणबाट जोगिन सुरक्षा सतर्कता नअपनाएको पाइयो नि भन्ने प्रश्नमा प्रवक्ता कर्णले ‘सरकारले अनिवार्य मास्क लगाउन नभनेकाले आफूहरूले मास्क लगाउनुस् भनेर भन्न नसक्ने’ जवाफ दिए ।
सुरक्षा जाँचमा खटिएका एक प्रहरी कर्मचारीलाई हामीले सोध्यौं, ‘किन मास्क नलगाउनुभएको ?’
‘भर्खर यहीँ थियो सर’ भन्दै उनले यताउता मास्क खोजे, तर उनको साथमा मास्क थिएन ।
परबाट पनि हामीले केहीबेर नियालौं, उनले मास्क लगाएनन् ।
विमानस्थलमा यताउता गर्ने अधिकांश कर्मचारीले मास्क लगाएको देखिएन ।
नेपाल भित्रिने यात्रुलाई सुरक्षा जाँचका लागि राखिएको हेल्थ डेस्कमा आधा बोत्तल स्यानिटाइजर र ६/७ वटा ज्वरो नाप्ने 'थर्मल गन'बाहेक अन्य कुनै खालको उपकरण नभएको पाइयो ।
तर त्रिभुवन विमानस्थलका प्रवक्ता कर्णले भने कोरोना संक्रमणबाट जोगिन हरतरहको प्रयास गरिरहेको दाबी गरिरहे ।
विदेश जाने रोकिएनन्
विश्व नै कोरोनाबाट त्रस्त भइरहेका बेला एकाथरि युवा भने वैदेशिक रोजगारीका लागि विदेश जान लाइनमा थिए ।
रोजगारीका लागि मलेसिया जान लागेका रौतहटका लक्ष्मणलाल (नाम परिवर्तन) पनि विमानस्थलमा लाइनमा भेटिए ।
उनले मास्क त लगाएका थिए, तर कोरोनाबारे पर्याप्त जानकारी थिएन ।
यस्तो त्रास छ, किन विदेश जान लाग्नुभएको, छुट्टिमा आउनुभएको हो ? भन्ने प्रश्नमा उनले भने– ‘होइन, पहिलोपटक हो । खै के हो कोरोना भनेको ? दलालले केही हुँदैन भनेको छ ।’
उल्लेख्य मात्रामा घटे यात्रु
त्रिभुवन अन्तर्राष्ट्रिय विमानस्थलबाट विदेश जाने र आउने यात्रुको संख्या भने उल्लेख्य मात्रामा घटेको छ ।
विमानस्थलबाट बाहिरिने र भित्रिने दुवैतर्फका यात्रु घटेको प्रवक्ता कर्णले जानकारी दिए ।
‘अघिल्लो वर्ष यो समयमा ७ हजारदेखि ८ हजार यात्रुको आवतजावत हुन्थ्यो, तर यो वर्ष भने ३ हजार ५ सयदेखि ४ हजारसम्म छ,’ प्रवक्ता कर्णले पत्रकार सम्मेलनमा भने ।
त्रिभुवन विमानस्थलमा आज जम्मा ३० वटा अन्तर्राष्ट्रिय उडान छन् । विभिन्न एरलाइन्सले उडान कटौती गरिरहेका छन् ।
ट्राञ्जिटका समेत गरी हिजोसम्म ४ वटा उडान गरिरहेको कतार एयरवेजले पनि आजबाट २ वटामा झारेको कतार एयरवेजका एक कर्मचारीले बताए ।
थाइ एयरवेजका कर्मचारीले पनि भोलिदेखि ८० प्रतिशत उडान कटौती हुन लागेको जानकारी दिए ।
भिडियो :
हेर्नुहोस्, थप फोटो :
फोटो/भिडियो : रोजन श्रेष्ठ, लोकान्तर
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...