डिशहोमले निम्न आर्थिक अवस्था भएका बालबालिकाको प्रतिभालाई उजागर गर्न ‘सुनौलो तारा’ नामक रियालीटी शो प्रशारण गर्न थालेको छ।

मुलुकभर विभिन्न सरकारी विद्यालय तथा बाल संस्थामा रहेका ४ सय भन्दा बढी बालबालिकाबाट अडिसनमार्फत् ४० जना छानिएका छन्।

ती प्रतिभा प्रस्तुत गर्ने मञ्चको रुपमा सुनौलो तारा कार्यक्रम डिशहोमले सुरु गरेको जनाएको छ।

डिशहोमको च्यानल नं. १०२ रियालिटी टिभीमा चैत १ गतेदेखि प्रशारण शुरु भएको हो।  यो कार्यक्रम हरेक हप्ता शुक्रबार र शनिबार राती ८ः३० बजे प्रशारण हुनेछ । 

सुशीला आर्टस् एकेडेमीको परिकल्पनामा तयार गरिएको यो कार्यक्रमलाई सिल्भर माउण्टेन स्कुल अफ  होटल म्यानेजमेन्टले सहप्रायोजन गरेको छ।

यस कार्यक्रममा प्रथम, द्वितिय र तृतिय हुने सहभागीलाई क्रमशः नगद ५ लाख, ३ लाख र १ लाख डिशहोमले प्रदान गर्नेछ।