संसारभरि अहिले कोरोनाभाइरस रोक्नका लागि सामाजिक दूरीका विषयमा निर्देशन जारी गरिएको छ । 

सामाजिक दूरी भन्नाले एकअर्काबाट टाढा बस्नु हो । यसबाट संक्रमणलाई घटाउन सकिन्छ । 

कोरोनाबाट संक्रमित कुनै व्यक्तिले खोकेमा जा हाच्छ्युँ गरेमा उसको थुकको सानो कण हावामा फैलिन्छ । त्यस्ता कणहरूमा कोरोनाका विषाणु हुन्छन् । 

संक्रमित व्यक्ति नजिक जाँदा विषाणुयुक्त कण सासको बाटो भएर शरीरमा प्रवेश गर्न सक्छ । ती कण खसेको ठाउँमा छुँदा अनि त्यही हातले आफ्नो आँखा, नाक वा मुखलाई छुँदा ती कणहरू शरीरमा पुग्छ । 

यस्तो अवस्थामा खोक्दा र हाच्छ्युँ गर्दा टिस्यु उपयोग गर्नुपर्छ, हात नधोइकन अनुहार छुनुहुँदैन र संक्रमित व्यक्तिको सम्पर्कमा नआउनु नै यस भाइरसबाट बाँच्नका लागि महत्त्वपूर्ण कदम हुन् । 

त्यसैले कोरोनाबाट बाँच्नका लागि धेरै मानिस एक ठाउँमा भेला नहुने, एकअर्काबाट टाढा बस्ने र हात नमिलाउने आदेश दिइएको हो ।