बेलायतका राजकुमार चार्ल्सलाई कोरोनाभाइरस लागेको छ । 

७१ वर्षीय चार्ल्सलाई कोरोनाको हलुका लक्षण देखिएको तर उनको स्वास्थ्य राम्रो रहेको उनका प्रवक्ताले बताए । 

उनकी पत्नी कामिलाको पनि स्वास्थ्य परीक्षण गरिएको छ तर उनलाई भाइरसको संक्रमण छैन । 

क्लारेन्स हाउसले चार्ल्स र कामिला अहिले बालमोराल भवनमा सेल्फ आइसोलेसनमा बसेको र राजकुमारले केही दिनयता घरमै बसेर काम गरिरहेको जनाएको छ ।

आधिकारिक बयानमा भनिएको छ, ‘सरकारको तथा स्वास्थ्थकर्मीको सल्लाहबमोजिम राजकुमार र डचेस स्कटल्यान्डस्थित घरमा सेल्फ आइसोलेसनमा हुनुहुन्छ ।’

‘राजकुमारलाई कसले भाइरस सार्‍यो भन्ने कुरा सुनिश्चित गर्न सम्भव छैन किनकि उहाँले हालैका हप्तामा सार्वजनिक भूमिका निर्वाह गर्ने क्रममा धेरै मानिसलाई भेट्नुभएको छ ।’

बीबीसीबाट