कात्तिक १८, २०८०
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
चैत १६, २०७६
पूर्व राष्ट्रपति डा. रामवरण यादवका छोरा डा. चन्द्रमोहन यादवले कोरोनाविरुद्धको महामारीमा सरकारलाई सहयोग गर्न तयार रहेको बताएका छन् ।
मानवतामाथि अदृश्य वस्तुको आक्रमण भएका बेला चिकित्सकका रूपमा स्वयं सेवक बनेर खट्न तयार रहेको उनले बताएका छन् ।
‘आफू एउटा चिकित्सक भएका कारण यो महामारीलाई नियन्त्रण तथा न्यून गर्नका लागि स्वयंसेवकको रूपमा चिकित्सकीय काम गरेर सहयोग गर्न तयार छु,’ डा. यादवले लोकान्तरसँग भने, ‘मानवतामाथि नै संकट परेको तथा सम्पूर्ण मानवतामाथि अदृश्य वस्तुको आक्रमण भएका बेला चिकित्सकको रूपमा भोलेन्टिर बनेर खट्न तयार छ ।’
उनकी श्रीमती डा. रश्मी यादव समेत चिकित्सक हुन् । उनी स्त्री तथा प्रसुती रोग विशेषज्ञका रूपमा प्रादेशिक अस्पताल जनकपुरमा कार्यरत छन् ।
‘श्रीमती, सन्तान समेत जनकपुरमा नै रहेका कारण सकभर प्रादेशिक अस्पताल जनकपुरमा नै प्रदेश सरकारले मबाट काम लिन सक्नेछ,’ डा.यादवले भने, ‘नभए नेपाल सरकारले काठमाडौ वा अन्य स्थान जहाँ आवश्यक लागे पनि उपयोग गर्न सक्नेछ ।’
मानव सेवा नै अहिलेको सबैभन्दा ठूलो धर्म मात्र नभई एउटा नागरिकको हैसियतले कर्तव्य समेत ठानेर आफू त्यसका लागि हरपल तयार रहेको उनले बताए ।
पूर्वसभासद समेत रहेका कांग्रेस नेता डा. यादव रेडियोलोजिस्ट हुन् । हाल उनले जनकपुरको एउटा निजी क्लिनिकमा उनी पार्टटाइम काम समेत गर्दै आएका छन् ।
‘रेडियोलोजिस्टका रूपमा सरकारलाई सहयोग गर्न तयार छु, त्यसबाहेक एउटा तालिम प्राप्त चिकित्सक भएका कारण अस्पतालले आफूलाई अन्य मेडिकल काममा समेत उपयोग गर्न सक्नेछन्,’ उनले भने, ‘तर, त्यसका लागि सरकारले सुरक्षाका समेत सामग्री भने उपलब्ध गराउनुपर्ने हुन्छ ।’
वैज्ञानिक तरिकाले बनाइएको ३ तहको पर्सनल प्रोटेक्सन इक्विपमेन्ट पीपीई भने उपलब्ध गराउनुपर्ने हुन्छ । स्रोत साधन सम्पन्न शक्तिशाली तथा विकसित मुलुकमा समेत ती साधन उपलब्ध हुँदाहुँदै पनि कोरोना संक्रमितको उपचारमा खटेका चिकित्सक तथा स्वास्थ्यकर्मीहरू समेत संक्रमित भएर आफ्नो ज्यान गुमाएका छन् ।
‘नेपालमा अहिलेसम्म भगवानले भनौं वा कोरोनाले नै कृपा गरेको हो कि जस्तो लाग्छ, मानिसहरू अहिले मृत्युको मुखमा पुगेका छैनन्,’ उनले थपे, ‘तर, त्यस्तो स्थिति नआउला भनेर भन्न पनि सकिन्न ।’
प्रदेश २ मा अहिलेसम्म प्रादेशिक सरकारको तयारीबारे आफूले कुनै पनि अनुभूति गर्न नसकेको उनी बताउँछन् । युद्धस्तरमा तिनै तहका सरकारले तयारी गरेर स्रोत साधन उपलब्ध गराइसकेको हुनुपर्ने भएपनि नेपालमा हालसम्म खासै तयारी नदेखिएको उनी बताउँछन् ।
‘मेरो श्रीमती प्रादेशिक अस्पताल जनकपुरमा कार्यरत हुनुहुन्छ,’ उनले भने, ‘तर, त्यहाँ चिकित्सकलाई सुरक्षा कवचका कुनै पनि सामग्री प्रदान गरिएको छैन । न मास्क न ग्लोभ्स दिइएको छ, पीपीईको त झन कुरै नगरौं ।’
‘बिरामीलाई उपचार गर्ने चिकित्सकलाई नै सुरक्षाका सामग्री दिइएन र उपचारमा संलग्न गराइयो भने चिकित्सक पनि संक्रमित हुने खतरा छ,’ उनले भने, ‘त्यस्तो अवस्थामा एउटा मात्र चिकित्सक संक्रमित भयो भने अर्को चिकिसक पनि डराउने छन् र हतोत्साहित भएर उपचारमा नखटिन पनि सक्छन् ।’
आफू राजनीति गर्नका लागि, सस्तो लोकप्रियताका लागि नभएर मानवताका लागि अस्पतालमा सम्पूर्ण समय दिन तयार भएको उनी बताउँछन् ।
‘मैले सामाजिक सञ्जालमा समेत उक्त कुरा लेखेको छु,’ उनले भने, ‘तपाईंको सञ्चार माध्यममार्फत समेत उक्त कुरा सार्वजनिक गर्न चाहन्छु ।’
प्रदेश सरकार मातहत रहेको प्रादेशिक अस्पताल जनकपुरका मेडिकल सुपरिटेन्डेन्ट डा. नागेन्द्र यादवले कहिले फोन गरेर बोलाउँछन् भन्ने कुराको प्रतीक्षामा आफू रहेको उनले बताए ।
जनकपुरको अस्पताल रोडस्थित आफ्नो क्लिनिकमा उनी बिहानदेखि साँझसम्म बस्दै आएका छन् ।
रेडियोलोजी विशेषज्ञका रूपमा उनले सिटी स्क्यान, अल्ट्रासाउन्ड, एमआरआईको परीक्षण गर्छन् ।
दिनभर चिया पसलमा बसेर गफ हान्नुभन्दा आफ्नो परिवारको पालनपोषण गर्न तथा ज्ञानको समेत उपयोग गर्नका लागि १ वर्ष अघिदेखि चिकित्सा पेशामा फर्किएको उनी बताउँछन् ।
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...