कोरोना भाइरस रोकथामका लागि भाटभटेनी समूहले प्रत्येक प्रदेशलाई २५–२५ लाख रुपैयाँ सहयोग गर्ने भएको छ। 

समूहका अध्यक्ष मीनबहादुरले गुरुङ कोरोनाविरुद्धको अभियान सफल पार्न मुलुकका सातै प्रदेशका सरकारलाई २५–२५ लाख रुपैयाँ आर्थिक सहयोग उपलब्ध गराउने घोषणा गरेका हुन्। भाटभटेनी समूहले एक साताअघि संघीय सरकारद्वारा स्थापित कोरोना रोकथाम तथा नियन्त्रण कोषमा एक करोड रुपैयाँ सहयोग गरेको थियो। 

संघीय सरकारले खडा गरेको कोषमा एक करोड उपलब्ध गराउने घोषणा गरेकै दिन अध्यक्ष गुरुङले आफ्नो समूहको तर्फबाट सहयोग राशी थपिन सक्ने संकेत गरेका थिए। 
भाटभटेनी समूहले विगतमा मुलुक भूकम्प, बाढीपहिरो, आँधीहुरी जस्ता दैवी विपत्तिको चेपटामा परेका बेला सहयोग गरेको थियो।