कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
चैत १७, २०७६
बुटवलस्थित कोरोना विशेष अस्पतालमा रहेका बाबुरामले शनिवार राति ९ बजे पत्नी रीतालाई फोन गरेका थिए ।
बाबुरामले फोनमा भनेका थिए, ‘मैले खाना खाएँ, मलाई ठीक छ । तिमीहरू पनि खाना खाएर सुत ।’
त्यो रातिको संवादपछि उनी सुते । भोलिपल्ट बिहान रीताले बाबुरामलाई फोन गरिन् । फोन उठेन । पटक–पटक फोन हानिरहिन् । १०–१२ पटकको घण्टीपछि फोन उठ्यो । बाबुरामले ‘अह अह अह’ गरे, रीताले आवाज बुझिनन् । ‘के भो हजुरलाई’ भनेर रीता रुन थालिन् ।
पतिलाई रोगले च्यापेको बुझेपछि रीताले बुटवलका साथीलाई भनेर अस्पतालको अवस्था बुझ्न लगाइन् । रीता आफैं पनि अस्पताल आउने तयारीमा लागिन् । कोरोनाको डरले आफन्तले उनलाई अस्पताल नजान सुझाव दिए तर उनले मानिनन् ।
एकैछिनपछि हस्पिटलबाटै रीतालाई फोन आयो । ‘तपाईं छिटो यहाँ बुटवलको कोरोना विशेष अस्पतालमा आउनुपयो । तपाईका श्रीमानलाई काठमाडौं लैजानुपर्ने भयो, तपाईको परिवारका २–३ जना आउनुहोस्’ भनेर । रीता एम्बुलेन्स रिजर्ब गरेर बुटवलको अस्पताल आइन् । उनी हस्पिटलभित्र जान खोजिन् तर जान दिइएन । अस्पतालभित्र जान मिल्दैन भनियो ।
उनले पटक–पटक अनुरोध गरिन् तर पनि भित्र जान दिइएन । २ घण्टापछि उनी भित्र गइन् तर पतिलाई राखिएको शय्यासम्म पुग्न दिइएन । त्यसपछि डाक्टरहरूले उनलाई भने, ‘तपाईंको श्रीमानलाई बचाउन सकिएन ।’ उनी मुर्छा परिन् ।
पतिको निधनको जानकारीपछि उनी एक्लै रन्थनिएर हस्पिटल बाहिरको चौरमा पुगिन् । अस्पतालमा उनलाई ढाडस दिने, सान्त्वना दिने कोही भएनन् । उनको नजिक कोही गएनन् । दिनभर चौरमा मुर्छित भइन् उनी । दुःखद क्षणमा उनले आफन्तको समेत साथ पाइनन् । दिउँसो १२ बजे अस्पताल पुगेकी उनी राति ९ बजेसम्म चौरमा एक्लै पल्टिइन् ।
कोही आफन्त र दाजुभाइ पनि आएनन् । राति भएपछि उनकै अगाडि पति बाबुरामको शव प्लास्टिकमा र्यापिङ गरेर बुटवलस्थित लुम्बिनी प्रादेशिक अस्पतालतर्फ लगियो । उनले पतिको मुख हेर्छु भनेर बिन्ती बिसाउँदा समेत हेर्न पाइनन् । ९ बजेपछि रीतालाई एम्बुलेन्समार्फत घरमा पुर्याइयो ।
... ...
बाबुराम चैत ६ गते यूुएईबाट आएका थिए । यूएईबाटै ज्वरो आएको थियो उनलाई । रुपन्देहीको सेनामैना घर आएपछि उनले गाउँमै मेडिकलमा चेकजाँच गरेर रगत जाँच गराए । रगत चेकजाँच गर्दा उनलाई टाइफाइट देखियो । औषधि खाएपछि ज्वरो निको भयो तर खाना रुचेन ।
उनी फेरि सैनामैनाकै पर्रोहा स्वास्थ्य चौकीमा पुगे । त्यहाँ उनलाई कोरोनाको लक्षण जस्तो देखिएको भन्दै बुटवल जान भनियो । उनी चैत १३ गते लकडाउनको समयमै अटो रिक्सा रिजर्ब गरेर बुटवलको लुुम्बिनी प्रादेशिक अस्पतालमा आए । उनलाई कोरोनाको आशंकामा कोरोना विशेष अस्पतालमा भर्ना गरियो । चैत १३ गते अस्पताल भर्ना भएका उनीको स्वाब ४ दिनसम्म पनि अस्पतालले चेकजाँचका लागि नपठाएर लापरवाही गरेको रीताको भनाइ छ । उनका २ छोरा छन् ।
विदेशबाट आएपछि बाबुराम क्वारेन्टाइनमा बसेनन् । जसले गर्दा अहिले उनको घरमा त्रास छ । उनीहरूसँगै घरको तल्लो तलामा बस्ने १२ जना त्रसित छन् । बाबुरामको मृत्यु भएपछि मृत्युको कारण कोरोना संक्रमण हो/होइन भनेर यकिन भइसकेको छैन । बाबुरामको रिपोर्ट सोमवार साँझसम्म आउने अस्पतालले जनाएको छ । पीडामा रहेकी रीतालाई सान्त्वना दिने कोही छैनन् ।
कुनै दीर्घरोग नभएका बाबुरामको अस्पताल पुगेको ३ दिनपछि मृत्यु हुँदा कोरोना भएको हो कि भन्ने आशंका बढेको छ । जसले गर्दा बुटवलबासी त्रसित छन् ।
(रीतासँगको कुराकानीमा आधारित)
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...