फागुन २८, २०८०
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
सुखी जीवनको कुरा गर्दा ध्यानको भूमिका सर्वाधिक अगाडि आउँछ । ध्यानको सोझो सम्बन्ध मनसित हुन्छ । मनलाई स्थिर गरी इष्टवस्तुमा केन्द्रित गर्नु नै ध्यान हो ।
यसको चर्चा वेदमा पनि भएको छ, उपनिषद्मा पनि भएको छ । इतिहास र पुराणमा पनि भएको छ, धर्मशास्त्र तथा तन्त्रशास्त्रमा पनि भएको छ । बौद्धदर्शनमा पनि भएको छ, अन्य दर्शनमा पनि यथावसर आएका छन् ।
महामुनि पतञ्जलिले अष्टाङ्ग योगको चर्चा गरेका छन्, जसमा ध्यान पनि पर्छ । ‘तत्र प्रत्ययैकतानता ध्यानम् ।’ (पातञ्जल योगदर्शन ३।२)
ध्यानका किसिम
ध्यान अनेक किसिमका छन् । विद्वान्हरूले अनेक नाम र परिभाषा दिएका छन् यसका, जसमा अनाहतनाद ध्यान पनि पर्छ । हरेक उमेर समूहका मानिसले हरेक अवस्थामा गर्न सक्ने ध्यान हो यो । फाइदाका दृष्टिले सर्वाधिक अगाडि नै छ ।
खासगरी प्रकृतिसँग बढी नजिक छ यो । प्रकृतितर्फ फर्कने सजिलो सूत्रभन्दा पनि हुन्छ यसलाई । जहाँ पुगे पनि प्रकृतितर्फ नफर्की सुखै छैन मानिसलाई । यसमा अनाहतनादको ध्यान रामवाण मानिएको छ ।
गर्ने तरिका
अनाहतनादको ध्यान भनेको आफ्नै आन्तरिक आवाज सुन्नु हो । यसलाई गर्न न गुरु चाहिन्छ, न कुनै झन्झट व्यहोर्नुपर्छ । सकेसम्म बसेर गर्नु राम्रो हुन्छ । सुतेरै पनि गर्न सकिन्छ । सोझो भएर बस्नुपर्छ ।
आसन पद्मासन वा सुखासन जुनसुकै अपनाउन सकिन्छ तर मेरुदण्ड भने सोझो हुनुपर्छ । बसाइको भार शरीर र गोडामा समानरूपमा दिनुपर्छ । अन्यथा गोडा निदाउने, निद्रा लाग्ने जस्ता समस्या आउन सक्छ । दुई कानको प्वाललाई कपास र गुदद्वारलाई नरम कपडाले बन्द गर्नुपर्छ । बिहानको खाली पेटमा गर्दा बढी प्रभावकारी हुन्छ । दैनिक आधा घन्टा गरे पुग्छ ।
शुरूमा ध्यान न लाग्न सक्छ । निरासा वा पट्यार लाग्न सक्छ । मन यताउता भाग्न सक्छ तर आत्तिनु हुँदैन । जतिपटक भाग्न खोज्छ, उति पटक फर्काएर उही आवाजमा केन्द्रित गर्ने प्रयास गर्नुपर्छ । बिस्तारै बानी पर्दै जान्छ र आफै केन्द्रित हुन थाल्छ ।
शुरूशुरूमा पञ्चभूतादिको ध्यान लाग्न सक्छ । कहिले पृथ्वी, कहिले समुद्र, कहिले अग्निकुण्ड वा सौर्यशक्ति, कहिले हावाको झोक्का, कहिले आकाशको दृश्य देखापर्न सक्छन् । यदाकदा दृश्य डर लाग्दा पनि हुन सक्छन् तर आत्तिनु हुँदैन । बिस्तारै मन अनाहत नादमा केन्द्रित हुन पुग्छ । त्यसपछि चरम आनन्दको स्थिति आउँछ । सयम बितेको पत्तै हुँदैन । समय पुगेपछि आफैं टुट्छ ।
लाभ
यसका फाइदा अनेक छन् । मनको गति निकै चञ्चल छ । निरन्तर यताउता भागिरहन्छ र नाना भातिका समस्या लिएर आउँछ । रोग, भोक, शोक के–के हो के–के । दुःखको कारण संसार होइन, मन हो । मन बिग्रे बुद्धि बिग्रन्छ । बुद्धि बिग्रे विचार बिग्रन्छ र विचार बिग्रेपछि व्यवहार बिग्रन्छ । यस ध्यानले तिनै दूःषित मनलाई निर्मल पारी वर्तमानमा केन्द्रित गराउँछ, मनलाई आफूभित्रै ‘लक डाउन’ गरिदिन्छ, समस्यै–समस्याले ग्रस्त संसारमा विचरण गर्न दिँदैन ।
बाल्यकालीन सुख असीम हुन्छ । उनीहरू जति सुखी हुन्छन् त्यति नै आनन्दित पनि । सुनको सिंहासनमा नपाइने आनन्द ढुंगा माटोबाटै पाइरहेका हुन्छन् उनीहरूले । किनकि उनीहरू वर्तमानमा बाँचेका हुन्छन् । युवावास्था आगतमा टिकेको हुन्छ, प्रौढावस्था विगतमा । फलतः उनीहरू सुखी र आनन्दित हुन सकिरहेका हुँदैनन् तर बालबालिका वर्तमानमा बाँचेका हुन्छन् । त्यसैले उनीहरू सुखी र आनन्दित रहेका हुन्छन् । अनाहतनादको ध्यानले सबैलाई त्यहीँ अवस्थामा पुर्याउने काम गर्छ ।
प्रकृति संरक्षणको कुरा सबै गर्छन् । यसका लागि सरकारहरू आफैं लागेका हुन्छन् । बर्सेनि ठूलै रकम छुट्याएका पनि हुन्छन् तर सँगसँगै उसको निर्मम बलात्कार गर्न पनि पछि पर्दैनन् । प्रकृति सबैको साझा हो । जीवजन्तु सबैले निर्वाध बस्न पाउनुपर्छ तर हाम्रा लागि भने बपौतीबाहेक केही हुन सकिरहेका छैनन् यी । मानिसले के मात्र गरेका छैनन् उसमाथि खेलबाड गर्न । गर्न हुने पनि गरेका छन्, नहुने पनि गरेका छन् । फलतः त्यसैको फल भोगिरहेको छन् आफैंले ।
नानाभाँतीका रोग आएका छन् । कसैको उपचार छ, कसैको उपचार नै छैन । कतिको औषधि पत्ता लाग्न कति समय लाग्ने हो, यसै भन्न सकिने अवस्था छैन । विगतमा पनि यस्तै भएको थियो अहिले पनि त्यस्तै भइरहेको छ । यस्तै चाला रहे भविष्यमा पनि यस्तै हुने निश्चित छ ।
आखिर कहिलेसम्म यस्तो ? जहिलेसम्म हामी साँचो अर्थमा प्रकृति संरक्षणतर्फ ध्यान दिँदैनौं । जब हामी अन्तरात्माको आवाज सुन्न थाल्छौं, तब मात्र प्रकृतिप्रति इमान्दार हुन सक्छौं । त्यसपछि केही गर्र्र्नै पर्दैन, प्रकृति आफैं संरक्षित हुन थाल्छ । कसैको बैशाखी चाहिन्न उसलाई । यसका लागि धेरै गर्नै पर्दैन, मात्र हामीले आफैंप्रति इमान्दार भए पुग्छ । अनाहतनादको ध्यान त्यतैतिरको पाइलो हो ।
यसका फाइदा अनगिन्ती छन् व्यक्तिगत जीवनमै पनि । मनमा शान्ति छाउँछ । अनुहारमा कान्ति आउँछ । शरीरमा ऊर्जा भरिन्छ । जोश र जाँगर आउँछ । केही गरौं भन्ने भावना जगाउँछ । निर्णय क्षमता बढाउँछ । पाचन शक्ति बढाउँछ, भोक जगाउँछ, आलस्य भगाउँछ, निद्रा लगाउँछ । विद्यार्थीहरू पढाइमा रुचि राख्नेछन् । कर्मचारी वर्गमा सेवाभाव जागृत हुनेछ । सरकारी काममा चुस्तता आउनेछ । नेतृत्वमा हुनेलाई मेरा होइन हाम्रा भन्न सिकाउँछ । हाम्राका बदला राम्राको खोजी हुन थाल्नेछ । यसरी केलाउँदै जाने हो भने फाइदा के–के छन्, होइन, के–के छैनन् भन्नुपर्ने हुन्छ ।
मानिलिऔं कुनै कुराको द्विविधामा हुनुहुन्छ, निर्णय गर्न सकिरहनुभएको छैन ? २ मिनेट कान बन्द गरी अन्तरात्माको आवाज सुन्नुस्, समस्या स्वतः समाधान भएको पाउनुहुनेछ । निद्रा नलागेर छट्पटिनुभएको छ ? सुतेकै अवस्थामा केही समय त्यस्तै गर्नुस्, कतिबेला निद्रादेवीको शरणमा पुगिन्छ पत्तै हुँदैन । माइग्रेनको समस्या छ, टाउको दुखेर हैरान हुनुहुन्छ ? २ मिनेट त्यस्तै गर्नुस्, केही राहत मिलेको पक्कै अनुभव गर्नु हुनेछ ।
यी केही उदाहरण हुन् । जीवनका हरेक अवस्थामा यही नियम लागू हुनेछ । जतिबेला अफ्ठ्यारोमा पर्नुहुन्छ यस्तै गर्नुस् तत्कालै केही सहज हुँदै जानेछन् ।
समग्रमा भन्नुपर्दा वसुधैव कुटुम्बकमको भाव जागृत गर्ने सूत्र हो यो । ऋषिमुनिहरू यसैका कारण द्यावाभूमि सर्वत्र शान्ति र समुन्नतिको कामना गर्न सफल भएका थिए । उनीहरू द्यौ शान्ति, अन्तरिक्ष शान्ति, पृथ्वी शान्ति मात्र भन्दैन थिए त्यस्तै गरिरहेका पनि हुन्थे । फलतः बाघ र बाछोमा मित्रता थियो । सर्प र मुसो पनि मिलेकै हुन्थे । देवता र मानवमा समानता थियो । देवताहरू मानिस बन्न रुचाउँथे । मानिसहरू देवता बन्न पुगिरहेका हुन्थे । अब के गर्ने रोजाइ हाम्रै हो, सुख पाउने कि दुःखकै सागरमा हराइरहने ? जीवन हाम्रै हो, कस्तो बनाउने हाम्रै हातमा छ । अस्तु अहिलेलाई यति नै ।
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
धरान उपमहानगरपालिकाका मेयर हर्क साम्पाङले राष्ट्रपति र प्रधानमन्त्रीको फोटो नगरपालिकाबाट हटाएको विषय अहिले निकै चर्चामा छ । २०५४ मा त्यही प्रकृतिको क्रियाकलाप गरेका थिए, लीला थापा मगरले । जिल्ला विकास समिति...
नेपालको सार्वजनिक प्रशासन, विशेषतः निजामती सेवामा व्यावसायिक सदाचारिता विकास भएन भन्ने प्रश्न समय समयमा उठ्दै आएको छ । कर्मचारीमा स्वाभाविक रूपमा हुनुपर्ने कार्यसम्पादनलाई व्यवस्थित बनाउने सीप, संस्कार र अनुभवजन्य...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...
आत्मिक शुद्धताका पक्षपाती दार्शनिक सुकरात चौबाटोमा उभिएर एथेन्सबासीलाई आह्वान गरिरन्थे– ‘तपाईं नीति, सत्य र आत्माको शुद्धताका लागि किन ध्यान दिनुहुन्न ?’ उनका अर्थमा त्यो जीवन बाँच्न योग्य हुँदैन...