लकडाउनका बेलामा प्रहरी कार्यालयमा गएर बिहे गर्‍यो यस जोडीले

सांकेतिक तस्वीर

भारतको उडिसामा एक जोडीले मंगलवार एक प्रहरी कार्यालयमा गएर बिहे गरेको छ । देशमा २१ दिनसम्म लगाइएको लकडाउन (बन्दाबन्दी) का कारण आवागमन ठप्प भएपछि यस्तो घटना भएको हो । 

नाडिपाडाकी पवित्र साहू र अम्बपालीकी लक्ष्मी मेहरले स्थानीय म्यारिज रजिस्ट्रारको कार्यालयमा बिहे गर्ने योजना बनाएका थिए । साहू गाडी मेकानिक हुन् र उनी एक वर्षदेखि मेहरसँग प्रेममा थिए । 


Advertisement

मंगलवार यस जोडीले बारगढ प्रहरी कार्यालयलाई विवाहस्थल बनाएर बिहे गर्‍यो किनकि म्यारिज रजिस्ट्रारको कार्यालय मार्च २५ देखि बन्द छ । 

उनीहरू प्रहरी कार्यालय गए र बिहे गर्न चाहेको भनी प्रहरी निरीक्षक सदानन्द पुजारीलाई बताए । ‘मैले जोडीलाई प्रहरी कार्यालयमा बिहे गर्ने अनुमति दिएँ किनकि देशभरि अहिले लकडाउनको स्थिति छ । उनीहरूले अब पतिपत्नी भई बस्ने भनी हामीलाई लेखेर दिएका छन् ।’


Advertisement

जोडीलाई ह्यान्ड स्यानिटाइजर र मास्क दिइएको थियो । साहूले मेहरको गलामा मंगलसूत्र लगाए ।

जोडी र प्रहरी अधिकारीहरूले बिस्कुट खाएर भोज गरे किनकि मिठाइ उपलब्ध थिएनन् । पछि चाहिँ उक्त जोडी देवी मन्दिर गएर आशीर्वाद लियो । 
 

एजेन्सी
एजेन्सी

लेखकबाट थप...

कमेन्ट गर्नुहोस्