चीनले अग्लो भवनमा लागेको आगो केही मिनेटमै निभाउने नयाँ अग्निनियन्त्रक ड्रोन सार्वजनिक गरेको छ । 

भिडियोमा ६ वटा ड्रोनले हावामा उडेर १० तल्ले घरमा लागेको आगो निभाएको देखिन्छ । अग्निनियन्त्रणको अभ्यासमा ड्रोन प्रयोग गरिएको हो । 

भयंकर आगो पनि १० मिनेटमै नियन्त्रणमा आएको थियो अनि १५ मिनेटमा निभाइएको थियो । 

अग्निनियन्त्रक ड्रोनले २५ किलोसम्मको सामान बोक्न सक्छ र १० मिनेटमा १०० मिटरमाथिसम्म जान सक्छ, गुओफेइ जनरल एभिएसन इक्विपमेन्ट म्यानुफ्याक्चरिङका अध्यक्ष चाओ बिङले बताए । 

यो शक्तिशाली ड्रोन हावामा २० मिनेटसम्म उड्न सक्ने पनि उनले जानकारी दिए ।

अग्निनियन्त्रण अभ्यासका लागि पाँच टन दाउरा, ३०० लिटर तेल र १०० लिटर पेट्रोल उपयोग गरिएको थियो ।