चीनमा मानिसमाथि गरिएको कोरोनाभाइरसविरुद्धको खोपको परीक्षणमा सफलता

कोरोनाभाइरसबाट आक्रान्त चीनले मार्च १७ देखि भाइरसविरुद्धको खोपको परीक्षण मानिसहरूमा गर्न थालेको छ । अहिले उक्त परीक्षणका सकारात्मक परिणामहरू देखिन थालेका छन् । 

चीनले क्लिनिकल ट्रायलका लागि १०८ जनालाई छानेको थियो । स्वैच्छिक रूपमा परीक्षणका लागि आएका १४ जनाले परीक्षण अवधि पूरा गरेका छन् । चौध दिनसम्म क्वारेन्टीनमा बसेपछि उनीहरूलाई घर पठाइएको छ ।


Advertisement

यी सबै परीक्षण चीनको वुहान शहरमा गरिएका थिए । खोप परीक्षणपछि घर पठाइएका १४ जना पूर्ण रूपमा सुरक्षित र स्वस्थ छन् । उनीहरूलाई चिकित्सकीय निगरानीमा राखिएको छ । 

खोपलाई चीनका प्रख्यात वैज्ञानिक चेन भी र उनको टोलीले बनाएको हो । परीक्षण गरिएका मानिसको उमेर १८ देखि ६० वर्ष छ । 


Advertisement

उनीहरूलाई तीन समूहमा बाँडिएको थियो । तीनै समूहका मानिसलाई खोपको फरक फरक मात्रा दिइएको थियो । उनीहरूलाई वुहान स्पेस सर्भिस हेल्थ सेन्टरमा क्वारेन्टीन गरिएको हो ।

उनीहरूले क्वारेन्टीन अवधि पूरा नहुन्जेल त्यहीँ बस्नुपर्ने हुन्छ । आगामी केही हप्तामा उनीहरू आआफ्नो घर जान पाउनेछन् । 

एजेन्सी
एजेन्सी

लेखकबाट थप...

कमेन्ट गर्नुहोस्