अमेरिकाविरुद्ध युद्ध लड्न भेनेजुएला तयार, देशभरि तोप तैनाथ

भेनेजुएलाका राष्ट्रपति निकोलस मदुरोलाई अमेरिकाले लागूऔषध आतंकवादी घोषणा गरेपछि अमेरिकाको आक्रमण हुन सक्ने भन्दै मदुरोले जवाफी कारवाहीका लागि देशभरि तोप तैनाथ गरेको छ । देशवासीको रक्षाका लागि आफूले तोप तैनाथीको आदेश दिएको मदुरो बताउँछन् । 

लागूऔषध पदार्थको तस्करी गरेको आरोप लगाउँदै अमेरिकाले मदुरोलाई समात्नेलाई डेढ करोड डलर दिने घोषणा गरेको छ । 


Advertisement

त्यसपछि मदुरोले एक ट्वीट गर्दै लेखे, ‘म कोलम्बिया र अमेरिकाको समर्थन पाएका शक्तिको निन्दा गर्छु । उनीहरू हिंसात्मक कारवाही चलाएर हाम्रो देशलाई अस्थिर बनाउन चाहन्छन् ।’

अघिल्लो साता मदुरोले संसारभरिका नेतालाई सम्बोधन गर्दै आफूलाई सहायता गर्न अनुरोध गरेका थिए । अमेरिकाले आफूलाई समातेर कारवाही गर्ने हो कि भनी उनी डराइरहेका छन् । 


Advertisement

अमेरिकाले आफूमाथि लागूऔषध तस्करीको झूटो आरोप लगाएको र उससँग यसको कुनै प्रमाण नरहेको मदुरोको भनाइ छ । 

यसअघि अमेरिकाका राष्ट्रपति ट्रम्पले भेनेजुएला नजिक समुद्रमा अमेरिकी जलसेनाका युद्धपोतहरू तैनाथ गरिएको घोषणा बुधवार गरेका छन् । सन् १९८९ मा पानामामा आक्रमण गरेयता उक्त क्षेत्रमा गरिएको यो सबभन्दा ठूलो अमेरिकी सैन्य कारवाही हो ।  

अमेरिकाका परराष्ट्रमन्त्री माइक मम्पिओले बिहीवार मदुरोविरुद्ध पुरस्कार घोषणा गरेका हुन् । 

अमेरिका भेनेजुएलामा विपक्षी नेता खुवान गुआइडोलाई सत्तामा ल्याउन कोशिश गरिरहेको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्