छोराहरूलाई कोरोना लागेपछि घरमै छोडेर भागे आमाबुवा

भारतको मध्य प्रदेशस्थित इन्दोरमा एक परिवारमा दुई छोरालाई कोरोनाभाइरस लागेपछि आमबुवा भागेका छन् । अलपत्र परेका छोरालाई प्रहरीले अस्पतालमा भर्ना गरेको छ । 

भाग्ने आमाबुवाले आफूलाई प्रहरी प्रशासनले क्वारेन्टीन सेन्टरमा राख्ने हो कि भन्ने लाग्यो । त्यहाँ बस्नको पीरले उनीहरू शनिवार राति घर छोडेर भागे । उनीहरू पैदलै हिँडेर इन्दोरबाट उज्जैनस्थित महिलाको माइती पुगे । 


Advertisement

तर माइतका मानिसले पनि उनीहरूलाई घरमा पस्न दिएनन् । 

महिलाको नाम निलोफर हो । पतिसँग माइत गएकी उनलाई माइतकाले घरमा पस्न नदिएपछि उज्जैन शहरमा घुमिरहिन् । पछि उनीहरूले चिनेको एकजनाले प्रहरी कार्यालय पुर्‍यायो ।


Advertisement

प्रहरीले उनीहरूलाई तत्कालै अस्पताल लग्यो । बूढाबूढी दुवैलाई कोरोनाको लक्षण देखिएको तर स्वास्थ्य जाँच नगराई इन्दोरबाट उनीहरू भागेको पाइयो । 

यो दम्पती इन्दोरको टाटपट्टी बाखलको घरमा बस्थ्यो । त्यो इलाका र घरलाई प्रहरीले सीलबन्दी गरेको छ । 

उज्जैनस्थित जीवाजीगढ प्रहरी कार्यालय पनि उनीहरू गएपछि स्यानिटाइज गरिएको छ । 

इन्दोरको जुन घरमा निलोफर आफ्ना पति इनायतका साथ बस्थिन्, त्यस घरका मालिकलाई पनि कोरोना लागेको थियो । तीन दिनअघि उनको मृत्यु भएको छ । 

उसको अन्तिम संस्कारका लागि कब्रिस्तान गएको बेलामा नै बूढाबूढी उज्जैनतिर भागेका थिए । 
 

एजेन्सी
एजेन्सी

लेखकबाट थप...

कमेन्ट गर्नुहोस्