स्पेनको मालागास्थित क्षेत्रीय अस्पतालमा कोभिड–१९ को उपचार गराइरहेका चार महिने शिशुलाई भेन्टिलेटरबाट निकाल्दा स्वास्थ्यकर्मीहरूले खुशी भई ताली बजाएका छन् । 

नाम नखुलाइएका ती शिशुलाई कोरोना लागेपछि मार्च १६ मा अस्पतालमा भर्ना गरिएको थियो । 

उनलाई सास फेर्न गाह्रो भएपछि भेन्टिलेटरमा राखिएको थियो । सघन उपचार कक्षबाट बाहिर सारेपछि अस्पतालका कर्मचारीले खुशी भई ताली बजाए । 

यस अविश्वसनीय क्षणको भिडियो क्लिपमा शिशुको भेन्टिलेटर हटाउँदा चिकित्सक, नर्स र स्वास्थ्यकर्मीहरूले एउटा शीशाको पछाडि बसेर ताली बजाएको र खुशी भएको देखिन्छ । 

शिशुलाई उपचार गरिएको र अब भेन्टिलेटर आवश्यक नभएको अस्पतालका आईसीयू प्रमुख होसे कामाचोले बताए । 

शिशुको स्वास्थ्य स्थिर रहेको र उसलाई सामान्य वार्डमा पठाइने आधिकारिक स्रोतहरूले जानकारी दिए ।