छाउनीमा रहेको क्राइसिस म्यानेजमेन्ट सेन्टर (सिसिएमसी) ले विदेशबाट आएकाहरुको ‘कन्ट्याक्ट ट्रेसिङ’ गरेर विश्लेषण गर्ने भएको छ।

सिसिएमसीले चैत १ गते यता हवाइ र स्थलगतमार्ग भएर आएकाहरूको े ‘कन्ट्याक्ट ट्रेसिङ’ गर्न थालेका हो। 

‘कन्ट्याक्ट ट्रेसिङ’ निकै कम गरेको भनेर आलोचना भइरहेका बेला सेनाको प्रभूत्व रहेको सिसिएमसीले विवरण संकलन र विश्लेषणका लागि २५ जना खटाएको छ।

पहिलो चरणमा  ‘कन्ट्याक्ट ट्रेसिङ’ गरेर स्वास्थ्य अवस्थाबारे जानकारी लिने र दोस्रो चरणमा उनीहरुको सम्पर्कमा आएकाहरुको समेत विवरण संकलन गरिने भएको छ।

चिकित्सकका अनुसार ‘कन्ट्याक्ट ट्रेसिङ’ का क्रममा सम्पर्कमा आएका व्यक्तिले दिएको विवरणका आधारमा आइसोलेसन वा क्वारेन्टाइनमा राखी संक्रमण जाँचका लागि छुट्याइन्छ । संक्रमित व्यक्तिले भेटेका र सम्पर्कमा आएका व्यक्ति खोज्न प्राविधिक टिम गठन गरे पनि कति जनालाई गरिएको तथ्यांक बाहिर आउन सकेको छैन ।