महालक्ष्मी विकास बैंकले कोरोना भाइरसको संक्रमण रोकथाम, नियन्त्रण तथा उपचारका लागि तीन तहका सरकारलाई ५० लाख सहयोग गर्ने निर्णय गरेको छ।

बैंकले संघ सरकारलाई १२ लाख, प्रत्येक प्रदेश सरकारलाई ४ लाखका दरले २८ लाख र विभिन्न स्थानीय तहलाई १० लाख सहयोग गर्ने भएको हो।

बैंकका प्रमुख कार्यकारी अधिकृत कृष्णराज लामिछानेका अनुसार उक्त सहयोग संघ सरकारको कोषमा जम्मा गरिनेछ, भने प्रदेशमा प्रदेश सरकारलाई हस्तान्तरण गरिने छ। त्यस्तै, स्थानीय तहमा शाखाहरुसँग समन्वय गरी हस्तान्तरण गरिने बैंकले जनाएको छ । 

‘असहज परिस्थितिमा उक्त सहयोगले कोरोना भाइरस संक्रमणको महामारी रोक्न, नियन्त्रण तथा संक्रमितहरुको उपचार गर्न मद्दत पुग्ने विश्वास बंैकले लिएको छ । बैंकले यस विषम परिस्थितिमा सम्पूर्ण जनतालाई घरभित्रै बसेर कोरोना संक्रमणबाट आफु बच्न र अरुलाई पनि बचाउन अनुरोध गरेको छ,’ जारी विज्ञप्तिमा भनिएको छ।