‘यती समूह’ ले कोरोना भाइरस (कोभिड–१९) सङ्क्रमण रोकथाम, नियन्त्रण तथा उपचार कोषमा एक करोड सहयोग गरेको छ। यती समूहका अध्यक्ष लाक्पा सोनाम शेर्पाले बिहीबार उक्त नगद सहयोगको चेक हस्तान्तरण गर्नुभएको कम्पनीले विज्ञप्तिमार्फत जनाएको हो।
    
कोभिडको विश्वव्यापी महामारी फैलिरहेको र नेपालमा पनि जोखिम बढेको अवस्थामा सरकारले जनताको जीवनरक्षाका लागि चालेको कदमलाई साथ दिनु राष्ट्रिय व्यावसायिक समूहको कर्तव्य हो भन्दै यती समूहका लगानीकर्ताका तर्फबाट सहयोग गरिएको विज्ञप्तिमा उल्लेख गरिएको छ।
    
यती समूहले कोभिडका कारण व्यवसाय ठप्प हुनुका साथै अर्थतन्त्र ओरालो लागेको अवस्थामा व्यवसायभन्दा पनि देश र जनताका पक्षमा यती समूह अभिएको जनाउँदै यस्ता सहयोग निरन्तर जारी राख्ने प्रतिबद्धतासमेत व्यक्त गरेको छ। कम्पनीले महामारी न्यूनीकरण तथा रोकथाम गर्ने महाअभियानमा आफ्नो तर्फबाट गरिएको सानो सहयोग फलदायी हुने पनि विश्वास लिएको छ।