रुपन्देहीको सैनामैनामा १५ वर्षीया किशोरीमाथि बलात्कार भएको छ ।

मंगलवार बालिकालाई ललाइफकाई जबरजस्तीकरणी गरिएको उजुरी प्रहरीमा दर्ता भएको छ ।

बालिकालाई बलात्कार गरेको आरोपमा परिवारले प्रहरीमा उजुरी दिएका छन् । उजुरीको आधारमा सैनामैना–१ का ३७ वर्षीय मानबहादुर छहारीलाई इलाका प्रहरी कार्यालय रन्यौराले पक्राउ गरेको छ ।

आरोपी छहारीलाई ईलाका प्रहरी कार्यालय बुटवलको हिरासतमा राखिएको छ । बालिकामाथि जबरजस्ती करणी गर्ने अभियुक्तलाई नियन्त्रणमा लिएर कारवाही प्रक्रिया अघि बढाइएको ईलाका प्रहरी कार्यालय बुटवलका प्रहरी नायव उपरीक्षक (डीएसपी) भीमलाल भट्टराईले जानकारी दिए ।

बालिकाको स्वास्थ्यमा भने कुनै समस्या देखिएको छैन । बालिकाको लुम्बिनी प्रादेशिक अस्पताल बुटवलमा स्वास्थ्य जाँचपछि परिवारको जिम्मा लगाइएको डीएसपी भट्टराईले बताए ।