कैलाश प्रसाद पाण्डेय 

को हो ? के हो ? कसरी आयो ?

भन्छन् सबैतिर कोरोना छायो ।

जन्तु,जीवाणु, अणु वा परमाणु 

थाहै छैन कसैलाई, जीव हो जीवाणु ।

दोष के हो ? आखिरी कस्तो रोष ?

भन्छन् मानवता हरायो, धरती शोक ।

सुर, असुर,  दैत्य हो  वा दानव

संहार गर्दा सबैतिर, त्राहित्राही मानव।

रोग हो ? शोक हो ? आखिरी किन आयो ?

भन्छन् मनुवाले जिवजन्तुको, प्राण सिध्यायो ।

एशिया, युरोप, अस्ट्रेलिया, वा अमेरिका

लाखौंलाख पासोमा परे बिश्व भरिका।

धर्म हो ? अधर्म हो ? आखिरी कलियुग आयो ?

भन्छ्न  सबैतिर  कोरोना  छायो ।

जीव, जन्तु,  बनस्पति, र  मानव

मिलेर  नबस्दा  कोरोना  कारण ।

बालकोट, भक्तपुर