कोरोनाभाइरस (कोभिड– १९) परीक्षणका लागि संघीय संसद्अन्तर्गत प्रतिनिधि सभा र राष्ट्रिय सभाका सांसदहरूको स्वाब संकलन गरिएको छ ।

संघीय संसद्को बजेट अधिवेशनको पूर्वसन्ध्यामा दुवै सदनका सांसदहरूको परीक्ष्ण गर्न लागिएको हो । त्यसका लागि बुधवार संसद् भवनमा स्वाब संकलन गरिएको छ ।

देशभर पुगेका सांसदहरू कहीँ न कहीँ मानिहरूसँग प्रत्यक्ष सम्पर्कमा आउने भएकाले कोरोना जाँच्न लागिएको राष्ट्रिय सभाका अध्यक्ष गणेश तिमिल्सिनाले बताए ।

‘सांसदज्यूहरू देशमा विभिन्न कुनाबाट काठमाडौं आउनुभएको छ । उहाँहरू कसैसँग पनि कोरोनाको संक्रमण भएको खण्डमा हामी सबैलाई हुने भएकाले परीक्षण गरिएको हो,’ अध्यक्ष तिमिल्सिनाले भने ।

विभिन्न समितिहरूको बैठक चलिरहेका छन् । यदि कोही एक जनालाई पनि कोरोनाको संक्रमण देखिएको खण्डमा सांसद् सबैलाई क्वारेन्टाइनमा राख्नुपर्ने अवस्था आउन सक्ने भएकाले टेस्ट थालिएको तिमिल्सिनाको भनाइ छ ।

सांसद, मर्यादापालक, सुरक्षाकर्मी र कर्मचारी गरेरलगभग लगभग ५ सय जनाको कोरोना परीक्षण गरिँदैछ । 

संसदको बजेट अधिवेशन भोलि शुक्रबारबाट शुरू हुँदैछ ।

हेर्नुहोस्, भिडियो तथा तस्वीरहरू :