रुपन्देहीमा मंगलवार कोराना भाइरस संक्रमण पुष्टि भएका ९ जना लुम्बिनी सांस्कृतिक नगरपालिकाका रहेको पुष्टि भएको छ ।

लुम्बिनी सांस्कृतिक नगरपालिकाका संक्रमितहरू ७ देखि १० दिनअघि मुम्बईबाट आएर लुकीछिपी सीमानाका हुँदै नेपाल प्रवेश गरेका थिए । 

संक्रमितलाई बुटवलस्थित कोरोना विशेष अस्पतालमा ल्याउने तयारी भइरहेको प्रदेश स्वास्थ्य निर्देशनालयका प्रवक्ता रोशनलाल चौधरीले जानकारी दिए । संक्रमितलाई लुम्बिनी सांस्कृतिक नगरपालिकाले लुम्बिनीस्थित श्रीलंकन गेस्ट हाउस र लुम्बिनी बौद्ध विश्वविद्यालयको छात्रावासमा क्वारेन्टाइनमा राखेको थियो ।