संक्रमित व्यक्ति चितवनमा ओभरसियर पढ्थे, साइकल चलाएर धनुषा आएका थिए

अजय अनुरागी
अजय अनुरागी

अजय अनुरागी लोकान्तरका लागि खोज, राजनीति र समसामयिक विषयवस्तुमा कलम चलाउँछन् ।

धनुषामा दुई जना ब्यक्तिमा थप नयाँ कोरोनाको संक्रमण पाइएको छ । स्वास्थ्य तथा जनसंख्या मन्त्रालयका सह प्रवक्ता डा. समिरकुमार अधिकारीले समेत प्रेस बिज्ञप्ति जारी गरेर धनुषाका २० बर्षीय र ६५ बर्षीय पुरुषमा कोरोना संक्रमण पुष्टि गरेका छन् । तर, उनीहरु मध्ये एक जनाको उमेर ६५ बर्ष नभएर ३५ बर्षको मात्रै रहेको पाइएको छ । 

संक्रमित दुबै जना चितवन धनुषा आएका थिए । संक्रमित ब्यक्तिहरु धनुषाको नगराइन नगरपालिका वडा नम्बर ९ घोडघास गाउँका बासिन्दा हुन् । उनीहरु अहिले धनुषाको नगराइन नगरपालिकाको गंगुली स्थित प्रादेशिक क्वारेनटाइनमा बसेका छन् । उक्त क्वारेनटाइनका संयोजक संतोष ठाकुरका अनुसार संक्रमित ब्यक्तिहरु चितवनबाट धनुषा आएका थिए । 


Advertisement

‘उनीहरु दुबै जना चितवनबाट साइकल चलाएर धनुषा आएका थिए,’ ठाकुरले भने, ‘क्वारेनटाइनमा समेत साइकल चढेर नै उनीहरु आएका थिए ।’ उनीहरु ओभरसियर पढ्ने बिद्यार्थी हुन् । चितवनको देवकोटा चौक स्थित आदिकवि भानु भक्त क्याम्पसमा ओभरसिय पढ्ने बिद्यार्थी हुन् । ठाकुरका अनुसार उनीहरु शुरुमा त्यहाँ छात्रावासमा नई बस्ने गरेका थिए तर लक डाउन हुनु अघि बाहिर कोठा भाडामा लिएर बस्ने गरेका थिए ।  उनीहरु चितवनमा भाडामा बस्दा महोत्तरी र सिरहाका समेत एक एक जना उनीहरु संग उक्त कोठामा बस्ने गरेका थिए । महोत्तरी र सिरहाका ती दुई जना बिद्यार्थी भने लक डाउन भएको केही दिनमैं गाउँ फर्किएका थिए ।

उनीहरु घर पुगेर क्वारेनटाइनमा आए वा सिधा क्वारेनटाईनमा आए भन्ने कुराको अनुसन्धान भई नई रहेको छ । तथापि उनीहरु सीधा क्वारेनटाईनमा नै आएको दाबी गरेकोमा थप अनुसन्धान भइरहेको ठाकुरले बताए । उनका अनुसार त्यहाँ क्वारेनटाइनमा समेत उनीहरु दुई जनालाई छुट्टै कोठामा राखिएको थियो । कोठा नम्बर १४ मा उनीहरुलाई राखिएको थियो । अन्य मानिसहरु संग उनको सम्पर्क हुन नदिईएको उनले बताए ।   


Advertisement

उनीहरु क्वारेनटाइनमा आएकै दिन बैशाख ३० गते स्वाब संकलन गरिएको थियो  । अहिले उनीहरु क्वारेनटाइनमा नै रहेको भए पनि थप उपचारका लागि प्रादेशिक अस्पताल जनकपुरको कोविड बिशेष अस्पतालमा पठाउने तयारी गरिएको छ  ।     
 

अजय अनुरागी
अजय अनुरागी

लेखकबाट थप...

कमेन्ट गर्नुहोस्