कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
जेठ ११, २०७७
नेपाल-भारत सीमा नाकामा अलपत्र परेका नेपाली नागरिकहरुलाई वैधानिक तरिकाले स्वदेश भित्र्याइएको छ । स्थानीय प्रशासनको समन्वयमा पछिल्लो ६ दिनमा धनुषामा मात्रै ६ सय २१ जना नगराइनको जटही नाकामार्फत विधिवत रुपमा नेपाल प्रवेश गरेका छन् ।
‘लक-डाउन भएसँगै सीमा नाकामा यति दिनसम्म सिलबन्द गर्नुका साथै कडाइ गरिएको कारण भारत प्रवासमा नेपाली नागरिकहरु भारतमै रोकिनु भएको थियो,’ धनुषाका प्रमुख जिल्ला अधिकारी कोशहरी निरौलाले भने, ‘जेठ ४ गतेदेखि धनुषाको नगराइन नगरपालिका अन्तर्गत जटही नाकामार्फत चेक जाँच गरेर स्थानीय पालिकाको समन्वयमा क्वारेन्टाइनमा पठाउने गरेका छौं ।’
जेठ ४ देखि १० गते सम्ममा ६ सय २१ जना भित्रिएका छन् । ४ गते ६१ जना, ५ गते ६९ जना, ६ गते ३६ जना, ७ गते ८१ जना, ८ गते ६० जना, ९ गते २०७ जना, १० गते १ सय १३ जना नेपालीहरु उक्त नाकामार्फत भित्रिएका हुन् ।
उक्त नाकामार्फत धनुषाबाहेक प्रदेश २ का विभिन्न जिल्लाबाहेक अन्य जिल्लाका मानिसहरु समेत आएका छन् । धनुषा, महोत्तरी, सिरहाबाहेक पाँचथर, इलाम, अछाम लगायतका मानिस आएको सिडिओ निरौलाले बताए ।
‘इलामका १ जना र पाँचथरका ३ जना मानिसलाई सम्बन्धित जिल्लाका पालिकामा पठाउन सवारी साधन उपलब्ध नभएर समस्या भएका कारण धनुषाकै गणेशमान चारनाथ नगरपालिकाको क्वारेन्टाइनमा राख्न लगाएका छौं,’ निरौलाले भने, ‘अछामका मानिसलाई महोत्तरी जिल्ला पठाएका छौं ।’
महोत्तरी जिल्लामा रुकुम, रोल्पा लगायतको जिल्लाका मानिस आएको तथा उनीहरुलाई त्यहींबाट समन्वय गरेर पठाउने बन्दोबस्त गरिएको उनले बताए ।
सशस्त्र प्रहरी नं. ८ गण हेडक्वार्टर जनकपुरका सशस्त्र प्रहरी उपरीक्षक राजेश उप्रेतीका अनुसार नेपाल भित्रिने नेपालीलाई नाकामा रहेको हेल्थ डेस्कमा स्वास्थ्यको चेक जाँच गर्नुका साथै स्यानिटाइज गरिन्छ । उप्रेतीका अनुसार नेपाली सीमामा आउने गरेका नेपाली नागरिकलाई सर्वप्रथम साबुन पानीले हात धुवाइन्छ । त्यसपछि हातलाई स्यानिटाइज गराईन्छ ।
उक्त मानिसले जुत्ता, चप्पल तथा लत्ता कपडा, झोला लगायतका सामानलाई समेत डिसइन्फेक्ट गरिन्छ । मास्क लगाएको छ भने ठीकै छ नत्र भने मास्क दिइन्छ । त्यसपछि थर्मल गनले तापक्रम मापन गरिन्छ ।
‘त्यस पछि व्यक्तिको सम्पुर्ण अभिलेख, ट्राभल हिस्ट्री सहितको विवरण संकलन गरेर क्वारेन्टाइनमा बसेर स्वाब परीक्षण गराउनु पर्नेबारे काउन्सलिङ् गर्छौं,’ उप्रेतीले थपे,‘ त्यसपछि गाडीमा बसाएर सम्बन्धित पालिकाको क्वारेन्टाइनमा पठाइदिने गरेका छौं ।’
धनुषाको नगराइन नगरपालिकाका प्रमुख परमेश्वर यादवका अनुसार आफ्नो पालिकाको ७८ जना नागरिकलाई एम्बुलेन्स तथा ट्रयाक्टरमा राखेर फुलगामामा संचालनमा ल्याएको क्वारेन्टाइनमा राखेका छन् । त्यस अघिसम्म उक्त पालिकाले क्वारेन्टाइन बनाइएको थिएन । त्यसै गरी विभिन्न स्थानीय पालिकाले क्वारेन्टाइनको संख्यासमेत थप्न थालेका छन् ।
प्रदेश २ मा ४ हजार ६ सय ६४ नेपाली नेपाल भित्रिए
प्रदेश २ का आठ वटै जिल्लाको विभिन्न नाकामा अलपत्र परेका हजारौं नेपाली नागरिकहरुलाई स्वदेश भित्र्याउन थालिएको हो । प्रदेश २ प्रहरी कार्यालय जनकपुरका प्रवक्ता समेत रहेका प्रहरी उपरीक्षक जयराज सापकोटाका अनुसार आठवटै जिल्लाका प्रमुख जिल्ला अधिकारी (सिडिओ)को समन्वयमा बोर्डरमा अलपत्र परेर दशगजामा बसिरहेका नेपाली नागरिकहरुलाई भित्र्याउन थालिएको हो ।
सापकोटाले दिएको तथ्यांकअनुसार ६ दिनको बीचमा प्रदेश नम्बर २ को विभिन्न जिल्लाको मुख्य सीमा नाका हुँदै ४ हजार ६ सय ६४ नेपाली नेपाल भित्रिएका छन् । उनीहरुलाई हाल विभिन्न स्थानमा निर्माण गरिएको क्वारेन्टाइनमा राखिएको छ ।
महोत्तरीको मुख्य सिमानाका मलिवाडाबाट ५ सय ६७, सिरहाको माडर नाकाबाट ७ सय ३४, सप्तरी स्थित नाकाबाट ७ सय ५४, सर्लाही स्थित नाकाबाट ६ सय १, रौतहट स्थित नाकाबाट ६ सय ९७, बारा स्थित नाकाबाट २ सय ३९ र पर्सा स्थित नाकाबाट ४ सय ६५ जना व्यक्तिहरु नेपाल आइसकेको सापकोटाले जानकारी दिए ।
त्यसै गरी सप्तरी नाकाबाट ९५, सिरहा नाकाबाट ६६, रौतहट नाकाबाट २ सय १२, बारा नाकाबाट ६७ र पर्सा नाकाबाट ४१ सय ८९ जना भारतीयहरुसमेत भारततर्फ गएको सापकोटाले जानकारी दिए ।
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...