थप ९० जनामा कोरोना पुष्टि, संक्रमितको संख्या ७७२ पुग्यो

नेपालमा कोरोना संक्रमितको संख्या ७७२ पुगेको छ ।

स्वास्थ्य तथा जनसंख्या मन्त्रालयका प्रवक्ता डा. विकास देवकोटाले कोरोना संक्रमणको अद्यावधिक विवरण सार्वजनिक गर्दै मंगलवार ९० जना संक्रमित थपिएको जानकारी दिए ।


Advertisement

उनका अनुसार महोत्तरीका २ जना, जुम्ला घर भई बारामा कार्यरत २ जना, बाराका ३ जना, रौतहटका २२ जना, सिराहाका ४ जना, धनुषाका १ जनामा संक्रमण पुष्टि भएको छ ।

यस्तै, रुपन्देहीमा ७ जना, सेती प्रयोगशालामा २ जना, पोखराका २ जना, सुर्खेतमा गरिएको परीक्षणमा १२ जना, बाँकेमा ७ जना, कपिलवस्तुका २४ जनामा कोरोना पोजेटिभ देखिएको प्रवक्ता देवकोटाले बताएका छन् ।


Advertisement

नारायणी अस्पतालबाट कोरोना संक्रमण नेगेटिभ भई डिस्चार्ज भएका ४३ जना व्यक्तिसहित हालसम्म कोरोना निको भई डिस्चार्ज हुनेको संख्या १५५ पुगेको प्रवक्ता देवकोटाले बताए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्