कात्तिक ३०, २०८०
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
गत जेठ ११ गते बिहानै रुकुमको चौरजहारी नगरपालिका–८ मा अन्तरजातीय प्रेमकै कारण १ दलित युवाको हत्या भएको समाचार सुनियो ।
आफू हुर्किएको, खाए खेलेको, पढे लेखेको नगरपालिकामै अपत्यारिलो घटना भएको सुन्दा मन थाम्न सकिएन । मेरो सम्पर्कमा रहेका धेरै साथीहरूले तपाईंको जिल्लामा त यस्तोसम्म भएछ नि भनेर प्रसंग कोट्यान थाले ।
नियमित संवाद भइरहने जिल्लाका जनप्रतिनिधिसँग कुरा गरें । तथाकथित माथिल्लो जातको किशोरीसँगको प्रेमलाई वैधानिकता दिन खोज्दा गरिएको नरसंहारका अगाडि लामो संघर्ष र बलिदानबाट प्राप्त गणतन्त्र फिका भइदियो ।
आजको राजनीतिक परिवर्तनका लागि मेरा अग्रज र स्वयं मेरो पुस्ताले धेरै ठूलो त्याग, तपस्या र बलिदानी व्यहोरेको छ तर पनि समाजमा जातभात, छुवाछुत र कुसंस्कार जीवतै रहेछ ।
आज पनि सदयौंदेखि गरीबी र अशिक्षाको पासोमा पर्दै आएका दलितमाथि जघन्य अपराध हुने क्रम रोकिन सकेको छैन । चौरजहारीमा गरिएको सामूहिक हत्याकाण्डका विपक्षमा सिंगो देश उभिएको छ तर पनि कतिपय मानिसहरू घटनालाई सामान्य झडपका रुपमा अर्थ्याउने कोशिश गरिरहेका छन् ।
अपराधलाई कालो पर्दाले छोप्न उनीहरूले विभिन्न किसिमको आरोप लगाउन खोजिरहेका छन् । घटनालाई सर्सर्ती हेर्दा ती आरोपलाई पुष्टि गर्ने आधार भने कदापी भेटिँदैन ।
घटनास्थल चौरजहारीको सोती गाउँ र मृतक नवराजको गाउँ जाजरकोटको भेरी नगरपालिका आमुन्ने–सामुन्ने अवस्थित छन् । जिल्ला फरक भएपनि भेरी भेगका मानिसको लवज, संस्कार, रीतिरिवाज सबै एकै किसिमको छ ।
घटनामा हत्या गरिएका नवराज विक, गणेश बुढा र टिकाराम सुनार लगायतका युवामाथि कतिपय मानिसले रक्सी, गाँजा सेवन गरेर स्थानीय मानिसमाथि हातपात गरेको, लकडाउन उल्लंघन गरेको जस्ता आरोप लगाएका छन् । यी आरोप मिथ्यापूर्ण, तथाकथित माथिल्लो जात भएको र सत्तामा आफ्नो पकड रहेको कुत्सित मानसिकताबाट ग्रसित छन् ।
लागूऔषध सेवनको आरोप !
प्रेमिका लिन गएका युवाले रक्सी र लागूपदार्थ सेवन गरेको कुरा हालसम्म कसैले पनि पुष्टि गर्न सकेको छैन । मृतक तीनै जनाको शव पोस्टमार्टमको रिपोर्ट नआउँदै यस किसिमको आरोप लगाइनु अत्यन्तै निकृष्ट कार्य हो । सत्यलाई बंग्याएर नशाको मातमा स्वयं मृतकले नै झडप निम्त्याएको तर्क गर्न यस्तो झूटा तर्क गरिएको हो ।
आमासँग बुहारी लिन जान्छु भन्दै घरबाट निस्किएका नवराजले रक्सी सेवन गरे होलान् भनेर कसले पत्याउँछ ? भेरी नदीको किनारमा तैरिरहेका नवराज, टिकाराम र गणेशले लगाएको कपडामा भाङ भेटियो भनिँदैछ । न त यस विषयमा घटना घटिरहेकै बेला सँगै रहेका प्रहरीले बताएको छ, न पोस्मार्टम रिपोर्टबाट पुष्टि नै भएको छ ।
यो सुन्दा छोरा गुमाएर भावविह्वल बनेकी नवराजकी आमा उर्मिलालाई कस्तो महसूस भइरहेको होला ? मानवीय संवेदनाहीन मानिसले शुरू गराएको हल्लाले पीडितको घाउमा नून खुर्सानी छर्किए जस्तै भएको छ । यस विषयमा प्रहरीले समयमै अनुसन्धान गरी हल्ला चलाउनेमाथि पनि अनुसन्धान गर्नुपर्छ ।
बालविवाहको दण्ड हत्या ?
नवराज विककी प्रेमिका भनिएकी किशोरीको उमेर नपुगेकाले मात्रै परिवारले विवाह गर्न नदिएको तर्क किशोरी पक्षको छ । बाल विवाहको सहारामा अन्तरजातीय विवाहलाई नकार्ने सोच मल्ल परिवारमा देखिन्छ । घटना हुनुभन्दा पहिले पनि चौरजहारी नगरपालिका–८ का वडाध्यक्ष डम्बरबहादुर मल्लको प्रभावमा प्रहरीले उनीहरूलाई एकआपसमा सम्पर्क नै गर्न नपाउने गरी कागज गराएर छोडेको छ ।
सोही क्रममा नवराज १ रात प्रहरी हिरासतमा बसेका तथ्य पनि सार्वजनिक भएको छ । प्रहरीको काम बिहे भएपछि कानून अनुसार बालविवाहको मुद्दा अघि बढाउने हुनुपर्थ्यो । बिडम्बना स्वयं प्रहरीको व्यवहारले दलित र गैरदलितबीच बिहे हुन नदिने गरी भूमिका खेलेको देखिन्छ ।
घटना घटिरहेकै बेला घटनास्थलमा पुगेको प्रहरीले घरेलु हतियारसहित करीब १०० जनाको संख्यामा रहेका गाउँलेलाई नियन्त्रण गर्नुको साटो दशैंमा मार हान्दा बिच्किएको राँगोलाई लखेटे जसरी पीडित युवालाई लखेट्न दिइरह्यो ।
शायद त्यहाँ उपस्थित प्रहरीलाई थाहा थियो, वडाध्यक्ष डम्बरबहादुर मल्लको सम्बन्ध स्थानीय सरकार प्रमुखदेखि केन्द्रसम्मकै नेतासम्म छ । त्यतिबेला वडाध्यक्षको समूहलाई नियन्त्रण गर्दा आउने सम्भावित परिणामबाट प्रहरी प्रभावित भएको देखिन्छ । यदि प्रहरीले चाहेको भए विभिन्न झडप नियन्त्रणका विधि प्रयोग गरेर यस किसिमको मानवता विरुद्धको अपराधलाई रोक्न सक्थ्यो ।
नेकपा र जनप्रतिनिधिको विवादित भूमिका
स्थानीय राजनीतिक नेतृत्वको भूमिका पनि विवादित छ । रुकुम पश्चिमको ‘ख’ बाट निर्वाचित प्रदेशसभा सदस्य तथा नेकपाका जिल्ला अध्यक्ष गोपाल शर्माले निकालेको विज्ञप्ति पनि गैरजिम्मेवार छ । शर्माले ३ जनाको सामूहिक हत्या र ३ जना बेपत्ता भएको गम्भीर घटनाको छानबिन गर्न पार्टीको तर्फबाट पार्टीभित्रैका दलित नेतालाई राखेर छानबिन समिति बनाए ।
सामूहिक हत्या जस्तो जघन्य अपराधको छानबिन गर्ने काम राजनीतिक दलको होइन । राजनीतिक दलको कर्तव्य अपराधको छानबिनमा सघाउने हो तर उनले अहिलेसम्म आफ्नो विज्ञप्ति सच्याएका छैनन् ।
रुकुम पश्चिमबाट निर्वाचित सांसद तथा पूर्व गृहमन्त्री जनार्दन शर्माले प्रतिनिधि सभामा बोल्दा जाजरकोटबाट आएका युवा र स्थानीयबीच झडप भएको र झडप हुँदै जाँदा युवाले भेरी नदीमा हाम फालेको तर्क गरेका छन् । के उनलाई प्राप्त विवरण सत्य छ ? जातीय भेदभावविरुद्ध शुरू गरिएको जनयुद्धको एक सशक्त कमाण्डर रहेका सांसदले पीडकलाई पक्षपोषण गरेको जस्तो देखिने गरी सदनमा बोल्नु त्रुटि हो ।
आफ्ना कार्यकर्ता समेत रहेका वडाध्यक्ष डम्बर मल्लले दिएको सूचनालाई एकपटक पनि सत्यापन नगरी सम्मानित सदनमा बोल्नु गलत थियो । यसले पात्र फेरिएपनि निमुखा दलितमाथिको भेदभाव कायमै रहेको संकेत गर्यो ।
यद्यपि घटनालाई राजनीतिकरण नगरियोस् भन्ने उनको आग्रह जायज थियो तर उनले झडपको मानसिकतामा आएका युवासँग कुनै न कुनै किसिमको हतियार हुनुपथ्र्यो, उनीहरूको कुटाइबाट स्थानीय कुनै १ जना पनि मानिस घाइते भएको प्रमाण सार्वजनिक हुनुपथ्र्यो तर झडपलाई पुष्टि गर्ने कुनै पनि आधार देखिँदैन ।
चौरजहारी घटना केवल एउटा झडप मात्र थिएन, त्यो मानवता विरुद्धको अपराध हो । समग्र परिवर्तन विरुद्धको दुष्साहस हो । हिजो दलितमाथि अन्याय हुँदा केवल दलितले मात्र आवाज उठाउँथे तर आज दलितमाथि अन्याय हुँदा सिंगो देश र संसारभर छरिएका सारा नेपाली एकजुट भएका छन् । अपराध लुकाउन नसक्ने अवस्था सिर्जना भएको छ ।
स्थानीय केही मानिसले रुकुमेली र जाजरकोट बीचको लडाइँका रुपमा पनि यसलाई उभ्याउन खोजेका छन् । यस किसिमको प्रयास झन् खतरनाक छ । जाजरकोटबाट प्रतिनिधित्व गर्ने वनमन्त्री शक्ति बस्नेत र रुकुमबाट प्रतिनिधित्व गर्ने पूर्व गृहमन्त्री जनार्दन शर्मामध्ये को बढी न्यायको पक्षमा उभिन्छन् भन्ने जिज्ञासामा पनि दुबै जिल्लाका वासिन्दामा उत्तिकै छ ।
प्रमाण संरक्षणमा बेवास्ता ?
स्थानीयका अनुसार घटनास्थल चौरजहारी नगरपालिका–८ को सोती गाउँ पनि शोकमा छ । केही मानिसले गरेको अपराधको जाँतोले सिंगो गाउँ र चौरजहारी नगरपालिकालाई नै बदनाम बनाएको छ । स्थानीय धेरै मानिस अपराधको पक्षमा अहिले पनि देखिँदैनन् । बरु उनीहरू राज्यको तर्फबाट घटनास्थल र दशीप्रमाणहरू संरक्षण गर्नेतर्फ राज्यको ध्यान नगएकोमा चिन्तित छन् ।
पीडितले दिएको जाहेरीका आधारमा २० जनालाई पक्राउ गरिएपनि घटनामा प्रयोग गरिएका घरेलु हतियार, घटनाका प्रत्यक्षदर्शीको संरक्षण कार्यमा राज्यले बेवास्ता गरेको देखिन्छ । घटनाबाट बाँच्न सफल युवाको भनाई अनुसार करीब १०० जनाले ३ तिरबाट घेरा हालेका थिए । संलग्न सबैलाई किन पक्राउ गरिएन ? गृह मन्त्रालयले बनाएको अनुसन्धान टोली नपुगुञ्जेलसम्म प्रहरीले घटनास्थल सील गर्नुपथ्र्यो । त्यसो गरिएको पनि देखिन्न ।
संक्षिप्तमा भन्दा यस किसिमका घटनाले हाम्रोसामु ठूलो चुनौती खडा गरेको छ । राजनीतिक परिवर्तन भयो । शासन व्यवस्था र शासक फेरिए तर चेतनाको स्तर माथि उठेन । यसले देखाउँछ, राज्यले सामाजिक अपराधमा मोलाहिजा गर्नुहुँदैन । भौतिक विकासले मात्र समाज हामीले चाहेको जस्तो शान्त, समृद्ध र समातामूलक बन्न सक्दैन ।
अब भौतिक पूर्वाधारमा जस्तै सामाजिक चेतना अभिवृद्धिमा पनि लगानी गर्न आवश्यक छ । यस्ता घटना अनुसन्धान र नियमन गर्ने निकायलाई राजनीतिको छायाँबाट मुक्त बनाउनुपर्छ । नत्र फेरि भविष्यमा मुलुकले जातीय, सांस्कृतिक तथा धार्मिक युद्धको सामना गर्नुपर्ने दिन आउन सक्छ ।
कमेडी क्लब चलाउने मुन्द्रे उपनाम गरेका एकजना मान्छे छन्। एकै श्वासमा चारवटा प्रश्न सोध्न सक्ने क्षमता भएका जानेमाने पत्रकार ऋषि धमलाको कार्यक्रममा पुगेर तिनले भन्न भ्याए, 'यो टिकटकका कारण मान्छेहरू अल्छी भए, कुन...
गरिबको घरआँगन कसैलाई मन पर्दैन । गरिबको लुगाफाटो कसैलाई मन पर्दैन । गरिबले ठूला कुरा गरेको कसैलाई मन पर्दैन । गरिब नाचेको, गरिब हाँसेको कसैलाई मन पर्दैन । यतिखेर गरिबले लडेको जनयुद्ध दिवस पनि कसैलाई मन ...
राजधानी काठमाडौंबाट कयौं सय माइल टाढा रहेका जाजरकोट र रुकुम पश्चिम यतिबेला भूकम्पले इतिहासकै सर्वाधिक पीडामा छन् । गोधूलि साँझसँगै ओठ काँप्ने जाडो शुरू हुन थाल्छ । आमाको मजेत्रोमा लपेटिएका बच्चाहरू चि...
हाम्रा पुर्खाहरूले २०० (सन् १८१४) वर्षअघि कस्तो समाजमा जीवनयापन गरे ? यसको लेखाजोखा हेर्दा कहालिलाग्दा तथ्यबाहेक केही भेटिन्न । मूलतः पूर्वदेखि पश्चिमसम्म मध्यपहाडी क्षेत्रका युवाहरू लावालस्कर लागेर युद्धमा होमिए ।...
मखमली फुल्दा, मार्सी धान झुल्दा बहिनी आउने छिन्, दैलाको तस्वीर छातीमा टाँसी आँसु बगाउने छिन् .....। हाम्रो समयका चर्चित गायक नारायण रायमाझीको ‘नमुछे आमा दहीमा टीका’ बोलको गीत नि...
केही वर्षअघि विद्वान प्राध्यापक डा. अभि सुवेदीले कान्तिपुरमा लेख्नुभएको एउटा प्रसंगबाट आजको चर्चा शुरू गर्नु उपयुक्त हुनेछ । त्यस प्रसंगमा नेपाली कांग्रेसका वर्तमान सभापति शेरबहादुर देउवाले पूर्व प्रधानमन्त्रीको हैस...
स्वधर्म भन्ने शब्द हामीमध्ये धेरैले सुन्ने गरेका छौँ । स्वधर्मको आदि शिक्षक, प्रचारक वा आचार्य भगवान् कृष्ण हुन् । उनले सर्वप्रथम अर्जुृनलाई यसको शिक्षा दिएका थिए कुरुक्षेत्रको युद्ध मैदानमा । यसका आधुनिक व्याख्याता भने ...
गठबन्धनको नयाँ समीकरणसँगै पुनर्गठित मन्त्रिपरिषद्मा नेकपा (माओवादी केन्द्र)का तीन मन्त्री दोहोरिए । पार्टी नेतृत्वको निर्णयप्रति केही युवा सांसदले आक्रोश व्यक्त गरे । माओवादी पार्टी एउटा भए पनि सहायक गुट धेरै छन्...
उमेरले ३५ वर्ष पुग्नै लाग्दा मैले लोकसेवा आयोगको फाराम भरें । ३५ वर्ष कटेको भए फाराम भर्न पाउँदैनथें, तर नियुक्ति लिँदा भने ३५ वर्ष कटिसकेको थिएँ । लोकसेवा आयोगको सिफारिशअनुसार क्षेत्रीय सिञ्चाइ निर्देशनालयले...