कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारको बजेटलाई लिएर अर्थशास्त्री तथा नेताहरूले मिश्रित प्रतिक्रिया दिएका छन् ।
बिहीवार प्रतिनिधिसभामा अर्थमन्त्री युवराज खतिवडाद्वारा प्रस्तुत बजेटले धेरै कुराहरू सम्बोधन गरेको भएपनि कार्यान्वयन जटिल भएको प्रतिक्रिया आएको हो ।
लोकान्तरसँग कुरा गर्दै प्रमुख प्रतिपक्षी दल नेपाली कांग्रेसका नेता तथा सांसद डाक्टर मिनेन्द्र रिजालले अर्थमन्त्रीले भनेजस्तो आर्थिक वृद्धि तथा राजस्वमा वृद्धि नहुने बताए ।
त्यस्तै सत्तारूढ दल नेपाल कम्युनिस्ट पार्टी (नेकपा)कै नेता तथा पूर्व अर्थमन्त्री सुरेन्द्र पाण्डेले राजस्व र वैदेशिक ऋण अपेक्षाकृत ढंगले आउने नदेखिएकाले चालू खर्चमा चाप पर्ने आफूले देखेको बताए ।
अर्थशास्त्री तथा राष्ट्रिय योजना आयोगका पूर्व अध्यक्ष डाक्टर जगदीशचन्द्र पोखरेलले कोभिड– १९ को प्रभावको वस्तुगत अध्ययन नगरी बजेट ल्याइएको प्रतिक्रिया दिए ।
सुरेन्द्र पाण्डे, पूर्व अर्थमन्त्री एवं नेता, नेकपा
बजेट संकुचित हिसाबले आयो, यो अपेक्षित नै थियो । चालू आर्थिक वर्षको भन्दा यसको आकार अलि कम आयो । त्यसको अर्थ यसले सम्मुखमा रहेको आर्थिक समस्यालाई मध्यनजर गर्दै बढी महत्त्वाकांक्षा नभई आएको छ । यो त्यस मानेमा ठिकै छ ।
दोस्रो बजेट रेभेन्यु कम उठ्न सक्ने, आन्तरिक ऋण २२५ अर्ब उठाउँदा पनि त्यो चालू खर्चमा हाल्न नपाउने भन्ने छ, त्यो सकारात्मक छ ।
आर्थिक व्यवस्थापन हुन नसक्दा र रेभेन्यु कम उठ्दासम्म चालू खर्चमा चाप पर्न सक्ने र आन्तरिक ऋण उठाएर चालू खर्च बेहोर्नु परेको थियो । अहिले रोक्छु भनेको छ, त्यसमानेमा यो पोजिटिभ छ ।
बाह्य सहायता त थोरै मात्र अपेक्षा गरेको छ । बढी आन्तरिक ऋणमा भर पर्न खोजेको छ, २९९ अर्ब । त्यो प्राप्त हुन भने धेरै कठीन छ ।
त्यस हिसाबले हेर्ने हो भने यसले एकातर्फ स्वास्थ्यतर्फ बढी जोड दिएको छ । शिक्षा र तालिम रोजगारीमा पनि केही पैसा छुटाएको छ । किसानहरूलाई आधारभूत मूल्य नै तोकेर उत्पादनमा जोड दिन खोज्नु राम्रो हो ।
तर यति भएर पनि ७ प्रतिशतको वृद्धिको अपेक्षा छ, त्यो बढी नै महत्त्वाकांक्षा राखेको हो । यसपालि २ प्रतिशतको हाराहारीमा रहेको वृद्धिदर हाम्रो खर्च कटौती हुँदा त्यसलाई कसरी मेन्टेन गर्ने हो भन्नेमा चुनौतीपूर्ण छ ।
वैदेशिक ऋणको जुन अपेक्षा छ, त्यो प्राप्त हुन नसक्ने स्थिति छ । बढी अन्तरिक स्रोतमा चाप पर्ने र चालू खर्चमा असर पर्ने देखिन्छ ।
वैदेशिक सहायता प्राप्त नहुने स्थितिमा चालू खर्चमा पनि चाप पर्ने स्थिति भयो भने अहिले नउठाउने र अन्त खर्च नगर्ने भन्दाभन्दै पनि आन्तरिक ऋण बढ्ने बाध्यकारी अवस्था आइपर्न सक्छ ।
मिनेन्द्र रिजाल, नेता, नेपाली कांग्रेस
अर्थमन्त्रीले धेरै आर्थिक अनुशासन त नाघ्नुभएन, तर स्वाभाविक रूपमा जति अनुशासनमा बस्नुपर्ने हो त्यो पनि देखिएन ।
चालू खर्च ३५ प्रतिशत संशोधित अनुमानभन्दा बढ्दै छ । पोहोर सालभन्दा घटाउन सकिने अवस्था रहँदैन ।
अर्कोतर्फ राजस्व वृद्धि गर्ने आधार छैन । वृद्धि गर्छु भन्नुभएको छ तर मैले त्यो देख्दिनँ । अर्थतन्त्रको आकार नबढ्ने तर राजस्व २२ प्रतिशतले वृद्धि हुने कुनै पनि आधार देखेको छैन मैले ।
जति उहाँले अर्थतन्त्र वृद्धि हुन्छ भने पनि हामी नर्मल लाइफमा गइसकेका हुँदैनौं । वैदेशिक ऋण उहाँले अहिले १२० अर्बबाट ३०० अर्ब पुर्याउँछु भन्नुभएको छ त्यो पुग्दैन । सम्भव नै छैन ।
आन्तरिक ऋण उठाउनु पर्छ, त्यसले दु:खमा भएको उद्योग धन्दालाई झन् बढी कठिनाइ पुग्छ ।
वैदेशिक ऋण पनि नआउने, चालू खर्च बढ्ने अवस्थामा जोखिममा पूँजीगत खर्च परेको छ । फेरि अर्थतन्त्रको कठिनाइ बजेटले बुझेको जस्तो देखिन्छ तर सबै राजनीतिक दल छलफल गरेर मात्र अघि बढ्नुपर्थ्यो ।
मैले सामान्य बजेट ल्याऊँ पुरक बजेट पछि ल्याऊँ भनेर सुझाएको थिएँ, तर अर्थमन्त्रीले कुरा सुन्नुभएन ।
त्यो बाटो समातेको भए सबैको साझा अठोट देखिन्थ्यो ।
उहाँको पार्टी र प्रधानमन्त्रीले पनि त्यो कल्पनाशीलतामा ध्यान दिन सक्नुभएन ।
हाम्रो कठिनाइ इमान्दारीतापूर्वक स्वीकार गरेर अघि बढ्नुपर्ने प्रतिबद्धता उहाँबाट आउन सकेन ।
डाक्टर जगदीशचन्द्र पोखरेल, पूर्व उपाध्यक्ष, राष्ट्रिय योजना आयोग
साइजचाहिँ ठिकै आयो, ठूलो आएन । समस्या कहाँ हो भने झन्डै ६४ प्रतिशत चालूमा र २३ प्रतिशत मात्र पूँजीगत भनेर राखिएको छ ।
यो हाम्रो संरचनाकै समस्या हो । पूँजीगत खर्च केही बढाउन सकिन्थ्यो कि भन्ने मलाई लाग्छ । चालू खर्च केही काट्न सकिन्थ्यो कि भन्ने मेरो धारणा हो ।
अर्थमन्त्रीले विभिन्न खालका भत्ताहरू, गाडी आयातजस्ता कुराहरू काट्न सक्छौं भनेर भन्नुभएको छ । तर फेरि पनि त्यसको दायरा बढाउन सकिन्थ्यो । भइराखेकै बोझ हो, हामीलाई परिराखेको छ ।
वर्षको अन्तिममा गएर यो चालूचाहिँ सबै खर्च हुन्छ, पूँजीगत खर्च चाहिँ हुँदैन । यो एउटा पाटो रह्यो ।
अर्को बजेट जुन मान्यताको आधारमा आएको छ, त्यहाँ नै समस्या देख्छु । कहिले कुन अवस्थामा हामीले यो कोभिडबाट छुटकारा पाउछौं भन्ने नै छैन । त्यसको वस्तुगत आधारमा ठोस विश्लेषण गरिएको छैन ।
अर्को के हो भने अब आउने वर्षको कहिलेसम्म यो चिज जाला भन्ने थाहा छैन हामीलाई । हामी सजिलैसँग पार गरिएला र उठिन्छ भन्नुभएको छ अर्थमन्त्रीले । तर यहाँनेर एकदमै सोच्नुपर्ने देखिन्छ ।
त्यसको कारण के हो भने अर्को वर्षको कहिलेतिर गएर यो कोरोनाको कारणले गर्दा हामीले अपनाउने सुरक्षाका उपायका कारणले अर्थतन्त्रमा कति असर पर्छ भन्ने ठोस र मूर्त कुरा आएन ।
अब त्यहाँनेर पनि कमजोरी देखियो । सरकारसँग नेपालकै सुहाउँदो भाइरसको जीवनचक्र भनौं न अथवा त्यसको स्ट्रेनलाई लिएर कुनै खालको भविष्यवाणी गरिएको देखिएन ।
अहिले जहाँसम्म के छ भने स्वास्थ्यमा बढाउनैपर्ने थियो बढाइएको छ ।
कार्यान्वयन सही हुने हो भने अहिलेसम्मका बजेटमा पनि हामीले उत्पात नै गरेका छौं ।
सरकारले नभनेको भए हुन्थ्यो, पानीजहाज लगायतका कुरा ।
ग्रोथ रेटको कुरा जुन ७ प्रतिशत भन्ने आएको छ, यी दुईवटै कुरा मलाई ठीक लागेको छैन ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...