शुक्रवार बिहानैदेखि काठमाडौं, ललितपुरलगायतका विभिन्न ठाउँमा पानी परिरहेको छ ।

अहिले मुलुकको पश्चिमी भूभागलगायत मध्य तथा पूर्वी पहाडी भूभागमा सामान्य बदली रहेको मौसम पूर्वानुमान महाशाखाले जनाएको छ । यस्तै अन्य भूभागमा मौसम सामान्यतया सफा रहेको छ ।

पश्चिमी वायुको आंशिक प्रभाव रहेको र मुलुकको पूर्वी भूभाग नजिकै निम्न चापीय रेखा रहेको भन्दै महाशाखाले स्थानीय वायुको पनि प्रभाव रहेको जनाएको छ ।

शुक्रवार दिउँसो देशभर सामान्य बदली रहनेछ। देशका केहि स्थानहरुमा मेघगर्जन/चट्याङ/हावाहुरी सहित वर्षाको सम्भावना रहेको महाशाखाको भनाइ छ ।

यस्तै राती पनि  देशको पुर्वी तथा मध्य भू-भाग लगायत पश्चिमी पहाडी भू-भागहरुमा  सामान्य बदली रहि बाँकी भू-भागमा आंशिक बदली रहनेछ ।  पुर्वी र  मध्य भू-भाग लगायत पश्चिमी पहाडी भू-भागका केहि स्थानहरुमा मेघगर्जन/चट्याङ/हावाहुरी सहित  वर्षाको  सम्भावना रहेको महाशाखाले उल्लेख गरेको छ ।