अवैधानिकरूपमा कोरिया पुगेका व्यक्तिको मृत्यु, १ करोड शुल्क तिर्न नसक्दा शव अलपत्र

प्रतिकात्मक तस्वीर

धादिङको झार्लाङ निवासी मैती तमाङको गत सोमबार (जेठ १२ गते ) कोरियामा मृत्यु भएको छ ।

झण्डै एक महिनाअघि छनानस्थित एक कन्स्ट्रक्शन कम्पनीमा काम गर्ने क्रममा एकतला माथिबाट लडेर उपचारका क्रममा उनको मृत्यु भएको हो । 


Advertisement

गत वैशाख १२ ‘आराबाइट’ काम गर्ने क्रममा लडेका उनको टाउकोमा गम्भीर चोट लागेको र अत्यधिक रक्तश्रावका भएको थियो ।

घटनापछि तत्काल स्थानीय अस्पतलमा लगिएपनि उक्त अस्पतालमा उपचार असम्भव भएपछि तत्कालै छनानको थानगुक शिक्षण अस्पतालमा आईसीयूमा राखेर उपचार भइरहेको थियो ।


Advertisement

उपचारकै क्रममा उनको गत सोमबार बेलुका मृत्यु भएको हो ।

तामाङ पाँच वर्षअघि भिजिट भिसामा कोरिया आई अवैधानिकरूपमा कोरिया बस्दै काम गर्दै आइरहेका थिए ।

अन्दाजी ४५ वर्षीय तमाङ अवैधानिक भएका कारण कुनै स्वस्थ्य बीमा नभएको र निजको उपचार खर्च लगभग रु एक करोड बिल आएको उनकी बहिनी कविता तामाङले जानकारी दिइन् ।

यो हप्तासम्म बाँकी रहेको बिल तिरी तामाङको मृत शरीरलाई सदगद गर्न सम्बन्धित अस्पतालले आग्रह गरेको छ ।

तर उक्त रकम तिर्ने अवस्था नभएको भन्दै तामाङको बहिनी कविताले कोरियाको विभिन्न सङ्घसंस्था, व्यापारी, श्रमिक दाजुभाइ तथा दिदीबहिनीलाई सहयोग गरिदिन आग्रह गरेकी छिन् । जीवन खत्री/रासस

कमेन्ट गर्नुहोस्