भारतबाट नेपाल आउँदै गर्दा बाटोमै मृत्यु, ५ दिनपछि कोरोना पोजेटिभ !

प्रकाश आचार्य
प्रकाश आचार्य

लोकान्तर संवाददाता आचार्य प्रदेश नम्बर ५ बाट रिपोर्टिङ गर्छन् ।

भारतबाट नेपाल आउने क्रममा बाटोमै मृत्यु भएका युवामा कोरोनाभाइरस कोभिड– १९ पुष्टि भएको छ ।

यही जेठ १० गते मृत्यु भएका अर्घाखाँचीका ३५ वर्षीय पुरुषमा कोरोना संक्रमण पुष्टि भएको जानकारी स्वास्थ्य तथा जनसंख्या मन्त्रालयका प्रवक्ता डा. विकास देवकोटाले शुक्रवार दिएका छन् ।


Advertisement

नेपाल प्रवेश गरेसँगै उनको स्याम्पल लिइएको थियो । मृत्यु भएको ५ दिनपछि रिपोर्ट पोजेटिभ आएको हो ।

मृतक भारतको गुजरातबाट रोजगारी गरी नेपाल फर्किएका थिए ।


Advertisement

प्रादेशिक जनस्वास्थ्य प्रयोगशाला भैरहवाका निमित्त प्रमुख डा. राजेन्द्र कुमार गिरीकाअनुसार मृतकको सम्पर्कमा आएका अन्य ९ जनाको पनि स्वाब परीक्षण गरिँदैछ ।

उनीहरूको रिपोर्ट आउन बाँकी छ । 

मृतकको शव अर्घाखाँची नै लगेर दाहसंस्कार गरिएको थियो ।

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्