नेपालको लागि यामाहा टू ह्वीलर्सको एकमात्र आधिकारिक वितरक एम. ए. डब्लु इन्टरप्राइजेजले सिक युरोपियन स्टाइलको फेस्सिनो १२५ सिसिको बिक्री  शुरू गरेको छ । यससँगै कम्पनीले १२५ सिसि स्कूटरको समुहमा प्रवेश गरेको घोषणा गरेको छ ।

यो नयाँ स्कूटर नयाँ विशेषताहरु, प्रविधिहरुका साथ प्रस्तुत गरिएको छ भने विभिन्न रङ्गहरुमा उपलब्ध छ ।

सम्पूर्ण नयाँ फेस्सिनोले १२५ एफआइ इन्जिनका साथ प्रभावकारिता सिर्जना गर्दछ, जुन बिएस–भिआइ कम्लियन्ट, फूयल इन्जेक्टेड (एफआइ)द्वारा सशक्त छ भनें जसबाट पावर क्षमता ३०% उत्पादन गर्छ र इन्धन खपत १६% ज्यादा गर्छ ।

यो ९९ केजी तौलको छ जसलाई सजिलै चलाउन सकिन्छ र यो जस्तै समुहमा यो अत्यन्त हलुका स्कूटर पनि हो । फेस्सिनो १२५ रोक्ने र चलाउने प्रणालीमा आधारित भएकोले यसले इन्जिन निष्क्रिय हुनलाई रोक्छ र पछि तुरुन्तै थ्रटलको एकल मोडका साथ चल्छ, जसले हाँक्ने वातावरणको पहुँचमा पुग्न सेन्सरहरुको प्रयोग गर्दछ ।

नयाँ फेस्सिनो १२५एफआइ मा स्मार्ट मोटर जेनेरेटर (एसएमजि) पनि जडान गरिएको छ, जसले विद्युतीय नियन्त्रणहरु प्रयोग गरेर बटनलाई एक दवाब दिने बित्तिकै सजिलै इन्जिन सुचारु गराउँछ र अन्तर्राष्ट्रिय यामाहा सिरिजहरुमा भए जस्तै साइड स्ट्याण्ड इन्जिन कट–अफ स्वीच पनि यसमा रहेको छ । यो स्कूटरले एकीकृत ब्रेकिङ्ग प्रणाली (युबिएस) र अग्र डिस्क ब्रेक का साथ लगातार ब्रेकिङ्ग शक्तिको पनि प्रयोग गर्दछ । फेस्सिनोको डिजाइन ती व्यक्तिहरुलाई लक्षित गरेर बनाइएको छ जो आफूले सवारी चलाउँदा उनीहरुको व्यक्तित्वको सही प्रतिनिधित्व त्यसमा देखियोस् र यसले उच्च माइलेज रेकर्डका साथ उत्कृष्ट पर्फरमेन्स प्रदान गरोस् भन्ने चाहन्छन् ।

नवीन विशेषताहरु र प्रविधिहरुका साथसाथै फेस्सिनो १२५एफआइ को बनावट क्लासिक युरोपियन स्टाइलमा टड्कारै देख्न सकिन्छ, जसमा यसले सम्पूर्ण नयाँ बाह्य डिजाइन, हेडलाइट, गेज र अरु विशेषताहरु प्राप्त गरेको छ, जसबाट सुन्दरताको अनुभूति जगाउँछ । फेस्सिनो १२५एफआइ ५ भिन्न भिन्न रङ्गहरुमा आएका छन् ।

वर्तमानमा घरमै बस्नुपर्ने अवस्थालाई मध्यनजर राखेर एम. ए. डब्लुले नेपालभरका लागि अनलाइन सर्भिसमार्फत् सेवा पुर्‍याउन आफ्ना ग्राहक सहायता टिमलाई बुकिङ्गमा सहयोग प्रदान गर्न परिचालन गरिसकेको छ ।