रुकुम घटनाका दोषीलाई कारवाही गर्ने गृहमन्त्रीको आश्वासन

फाइल फोटो

गृहमन्त्री रामबहादुर थापा'बादल'ले रुकुम पश्चिमकाे घटनाका दाेषीलाई कारवाहीको दायरामा ल्याइने कुरामा ढुक्क हुन आग्रह गरेका छन् ।

रुकुम पश्चिमकाे घटनाको छानबिन गर्नुपर्ने माग गर्दै मन्त्रालय पुगेका सांसद, दलितसम्बद्ध संघ–संस्थाका प्रतिनिधिमण्डलकाे ज्ञापनपत्र बुझ्दै गृहमन्त्री थापाले घटनाका दाेषीलाई कानूनी कठघारामा ल्याउन र कडाभन्दा कडा कारवाही गर्न गृहमन्त्रालय प्रतिबद्ध रहेकाे भन्दै शंका नगर्न आग्रह गरेका हुन् ।


Advertisement

उनले घटनाकाे सम्बन्धमा गृह मन्त्रालयले गठन गरेकाे छानबिन समिति घटनास्थलमा पुगी छानबिन शुरू गरिसकेको जानकारी दिँदै समितिले सत्यतथ्य जानकारी ल्याउने विश्वास व्यक्त गरे ।

उनले छानबिन समितिलाई कसैले प्रश्न उठाउन नसक्नेगरी काम गर्न सचेत गराइएकाे समेत जानकारी दिए ।


Advertisement

घटनाका आरोपीहरूलाई पक्राउ गरिसकिएकाे तथा थप व्यक्तिहरूकाे समेत खाेजी कार्य जारी रहेकाे उनले बताए ।

साे घटनाका सम्बन्धमा स्थानीय प्रहरीले पनि छानबिन गरिरहेकाे र केन्द्रीय अनुसन्धान व्यूराे(सीआईबी)काे समेत छुट्टै टीम छानबिनका लागि पठाउने कि भन्नेबारे छलफल भइरहेकाे प्रतिनिधि मण्डललाई जानकारी गराए ।

घटनाका सम्बन्धमा हिजाे बसेकाे क्याबिनेटमा समेत छलफल भएकाे जानकारी दिँदै जातीय उत्पिडनकाे अन्त्य गर्न र यस्ता घटनामा संलग्नलाई कडा कारवाही गर्न सरकार प्रतिवद्ध रहेकाे गृहमन्त्रीले स्पस्ट पारे ।

उनले जातीय उत्पीडनकाे अन्त्यका लागि आ–आफ्नो ठाउँबाट भूमिका खेल्न प्रतिनिधिमण्डलका सदस्यहरूलाई समेत आग्रह गरे ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्