नेपालमा कोरोना संक्रमितको संख्या १५ सय ६७ पुग्यो

नेपालमा कोरोनाभाइरस (कोभिड १९) संक्रमितको स‌ंख्या १ हजार ५ सय ६७ पुगेको छ ।

स्वास्थ्य तथा जनसंख्या मन्त्रालयले आइतवार पत्रकार सम्मेलन गरी दिएको जानकारीअनुसार आज थप १६६ जनामा कोरोना संक्रमण पुष्टि भएको छ ।

नयाँ पुष्टि भएका संक्रमितमध्ये १६२ पुरुष र ४ महिला रहेको स्वास्थ्य मन्त्रालयका प्रवक्ता डा. विकास देवकोटाले जानकारी दिए ।

नयाँ संक्रमित कुन–कुन जिल्लाका ?

रौतहटमा २९
सल्लानमा २५
धनुषामा २१
दैलेखमा १८ (एक मृत्यु)
कालिकोटमा १८
सप्तरीमा १२
सर्लाहीमा १०
बाँकेमा ८
कपिलवस्तुमा ५
पर्सामा ५
झापामा ४
बाजुरामा ३ (एक मृत्यु)
कैलालीमा ३
स्याङ्जामा २
तनहुँमा १
सुर्खेतमा १
मोरङमा १

एक जना डिस्चार्ज भएर घर फर्किएको प्रवक्ता डा. देवकोटाले जानकारी दिए । डिस्चार्ज हुनेको संख्या २२० पुगेको छ ।

अन्य १ हजार ३ सय ४९ जना उपचाररत छन् ।

पत्रकार सम्मेलनमा दिइएको जानकारीअनुसार प्रदेश १ मा १३५, प्रदेश २ मा ५१९, बाग्मती प्रदेशमा १४, गण्डकी प्रदेशमा २०, प्रदेश ५ मा ५०९, कर्णाली प्रदेशमा १२२ र सुदूरपश्चिम प्रदेशमा २० जना कोभिड १९ संक्रमित उपचाररत छन् ।

कुल संक्रमितको प्रदेशगत विवरण भने प्रदेश १ मा १६५, प्रदेश २ मा ६२४, बाग्मती प्रदेशमा ४५, गण्डकी प्रदेशमा २३, प्रदेश ५ मा ५६०, कर्णाली प्रदेशमा १२३ र सुदूरपश्चिम प्रदेशमा २७ छ ।

नयाँ नक्साअनुसार निशान छाप बनाउनसंसद्‍मा टेबल भयो संविधान संशोधन विधेयक
सरकारले जारी गरेको नयाँ नक्साअनुसार संविधानको अनुसूचीमा रहेको निशान छाप संशोधनका लागि प्रतिनिधि सभामा संविधान संशोधन विधेयक टेबल भएको छ । 

आइतवार बसेको प्रतिनिधि सभा बैठकमा कानून, न्याय तथा संसदीय व्यवस्था मन्त्री डा. शिवमाया तुम्बाहाम्फेले संविधान संशोधन विधेयक टेबुल गरेकी हुन् । 

नेपालको संविधान (दोस्रो संशोधन विधेयक) २०७७ माथि विरोधको सूचना परेको थिएन । ‘नेपालको वास्तविक सीमा अनुसारको नक्सा प्रकाशित भएकाले, वास्तविक नक्सा नेपालको संविधानको अनुसूची ३ मा मिलाउनु पर्ने भएकाले संशोधन विधेयक पेश गर्दछु,’ कानून मन्त्रीले तुम्बाहाम्फेले भनिन् । 

सरकारले जेठ ५ गते भारतले अतिक्रमण गरेको कालापानी, लिम्पियाधुरा, लिपुलेक लगायतका नेपाली भूमि समेटेको नयाँ नक्सा प्रकाशित गरेको थियो । 

नयाँ नक्साअनुसार निशान छाप संशोधनका लागि सरकारले संविधान संशोधन विधेयक संसद् सचिवालयमा दर्ता गरेको थियो । 

प्रमुख प्रतिपक्षी दल नेपाली कांग्रेसले समय मागेका कारण यसअघि बुधवार पेश गर्ने भनिएको संविधान संशोधन विधेयक कार्ययूचीबाट हटाइएको थियो । 

शनिवार बसेको कांग्रेस केन्द्रीय समिति बैठकले संविधान संशोधनको पक्षमा मतदान गर्ने निर्णय गरेको थियो । संविधान संशोधन विधेयक फास्ट ट्र्याकबाट पारित गराउने सरकारको तयारी छ ।