कात्तिक २७, २०८०
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
बुटवलस्थित लुम्बिनी प्रादेशिक अस्पतालमा बुधवारदेखि ओपीडी (बहिरंग विभाग) सेवा शुरू भएको छ ।
कोरोना भाइरस (कोभिड–१९) त्रासका कारण मुलुकमा ‘लकडाउन’ शुरू भएसँगै बन्द भएको ओपीडी सेवा सामाजिक दूरी कायम गर्दै सञ्चालन थालेको हो ।
लकडाउनमा अस्पतालमा आकस्मिक र प्रसुति सेवा मात्रै सञ्चालनमा थियो । बन्दाबन्दीमा सरकारी र निजी अस्पतालले ओपीडी सेवा बन्द गर्दा बिरामीले चरम समस्या भोग्दै आएका थिए ।
ओपीडी सेवाका लागि प्रादेशिक अस्पतालले छुट्टै संरचना निर्माण गरेको छ । ओपीडी कक्षमा बिरामीको चाप हुने र भौतिक दूरी काम हुन नसक्ने भएपछि नयाँ संरचना तयार गरिएको छ । अस्पतालका पुराना संरचना हटाउन मिल्ने गरी संरचना बनाएको छ । अस्पतालको नयाँ भवनका लागि गुरुयोजना बनेको छ ।
अस्पतालका अध्यक्ष सूर्यबहादुर भट्टराईले ‘फिवर क्लिनिक’ सहित १० वटा बहिरंग सेवा कक्ष बनाएर एकसाथ उपचार सेवा थालिएको बताए । ज्वरोका बिरामीका लागि अलग्गै क्लिनिक बनाइएको छ । ज्वरो आएका व्यक्तिमा कोरोना भाइरसको जोखिम हुनसक्ने भन्दै त्यसका लागि अलग्गै इमर्जेन्सी विभागतर्फको छुट्टै ठाउँमा राखिएको छ । ‘फिवर क्लिनिक’मा आएका बिरामीको पीसीआर पनि जाँच हुनेछ । पीसीआरको रिपोर्ट आउने समयसम्म त्यहीँ राखिने छ । सो स्थानमा १०–१२ शय्याडको आइसोलेसन कक्ष सहितको संरचना तयार भइरहेको छ । संक्रमण देखिएकालाई धागो कारखानाको आइसोलेसनमा पठाइनेछ ।
पीसीआर मशिन खरिदका लागि अस्पतालले टेन्डर प्रक्रिया समेत अगाडि बढाइएको अध्यक्ष भट्टराईले बताए । अस्पतालले कोरोना परीक्षण समेत आफैं गर्ने तयारी थालेको छ । अस्पतालमा अहिले भएको कामले केही आशा जगाएको छ ।
अस्पतालको मुख्य गेटको उत्तरतर्फ ‘ट्रस्ट’ निर्माण गरेर भीडभाड कम गर्दै सेवा शुरू हुनेछ । सामान्य अवस्थामा अस्पतालबाट दैनिक १ हजार जनाले सेवा लिने गर्छन् । अध्यक्ष भट्टराई भन्छन्, ‘लकडाउनकै समयमा ओपीडी चलाउन २ महिना काम गरेर संरचना पुनर्निमाण गरियो । यसका लागि अस्पताल विकास समितिबाट झण्डै ५० लाख रुपैयाँ खर्च गरिएको छ । निर्माण पूरा गरी सेवाको तयारी थालेका छौं । ‘सोसल डिस्टेन्स’ सहित बुधवारदेखि सेवा दिँदैछौं ।’
कोरोना बाहेकका रोगका बिरामीले सहज उपचार पाउनुपर्छ भनेर ओपीडी सेवा अगाडि बढाइएको अध्यक्ष भट्टराईले बताए । ‘कोरोना महामारीको सामना गर्दै सबै सेवा सञ्चालन गर्ने योजना प्रादेशिक अस्पतालले बनाएको छ,’ उनले भने ।
पुरानो पाकिङलाई बिरामी पालो पर्खिने ठाउँ बनाइएको छ । बिरामीलाई भौतिक दूरी कायम हुने गरी बस्ने व्यवस्था मिलाइएको छ । ओपीडीका चिकित्सक समेत एउटा/एउटा क्याभिनमा बस्नेछन् । सबै क्याभिनमा शौचालयको व्यवस्था गरिएको छ । अस्पतालमा पार्किङ गेट बाहिर राखिएको छ ।
गेटबाट भित्र छिर्दा बिरामी वा बिरामीका आफन्तले अनिवार्य मास्क लगाउन सुरक्षा गार्डले निर्देशन गर्छन् । गेटबाट प्रवेश गरेलगत्तै स्यानिटाइनजर प्रयोग गरेर हात सफा गर्ने व्यवस्था मिलाइएको छ । अस्पताल परिसरभर १५ स्थानमा साबुन पानीले हातधुने व्यवस्था मिलाइएको छ । ८ वटा नयाँ शौचालय पनि थपिएका छन् । ओपीडीमा आउने बिरामीलाई शौचालय नहुँदा इमर्जेन्सी विभागमा जानुपर्ने अवस्था थियो ।
अस्पतालका मेडिकल सुपरिन्टेन्डन डा. राजेन्द्र खनालले लकडाउनको समयलाई सदुपयोग गरी अहिलेको अवस्थामा आएको बताए । डा. खनालले छुट्टै ओपीडी कक्ष तयार भइरहेकाले सहज रुपमा सुरक्षित उपचार सेवा प्रदान गर्न सकिने बताए । ‘कोरोनाका सम्भावित बिरामीको स्वाब संकलन, एक्सरेसहित आईसीयू शय्या समेत त्यहीँ व्यवस्थापन हुनेछन् । कोरोना जोखिम क्षेत्रका गर्भवतिलाई निजी अस्पतालले सेवा नदिएपछि प्रादेशिक अस्पतालले सेवा दिएको छ । विपन्न र गरीब व्यक्ति अस्पताल आएर उपचारपछि आउँदा–जाँदा लागेको गाडी भाडा समेत दिने गरी अगाडि बढेका छौं,’ अध्यक्ष भट्टराईले भने ।
भौतिक पूर्वाधारको काम समेत अस्पतालले गर्दै आएको छ । अस्पतालको उत्तरतर्फको जग्गा खाली गराइएको छ । एउटा पेट्रोल पम्प र रक्तसञ्चार केन्द्र बाहेकका संरचना हटाइएको छ । बाँकी संरचना समेत छिट्टै हटाइने तयारी छ । तत्कालका लागि सो स्थानमा पार्किङ व्यवस्थापन गरिने छ । सो स्थानमा २० तलाको व्यापारिक भवन बनाउने दीर्घकालीन योजना रहेको छ ।
अस्पतालले आईसीयू र भेन्टिलेटर सहितको एम्बुलेन्स समेत खरिद प्रक्रिया अगाडि बढाएको छ । रक्तसञ्चार केन्द्रलाई अस्पताल परिसरमा व्यवस्थित गर्नेदेखि बिरामी र तिनका कुरुवालाई स्वस्थ र गुणस्तरीय खानाको प्रबन्ध मिलाउने गरी चमेना गृह बनाइँदैछ ।
गत माघमा प्रदेश सरकारले भट्टराईलाई अध्यक्ष र खनाललाई मेसुमा नियुक्त गरेको थियो । २ जनाको सहकार्य र अस्पतालको विकासमा देखिएको खटाइबाट सेवाग्राहीले सहज सेवा पाउने अपेक्षा गरिएको छ । १०९ वर्ष पुरानो अस्पताल लामो समयदेखि राजनीतिको चेपुवामा परेर विकास हुन नसक्दा सर्वसाधारण जनताले सर्वसुलभ सेवा पाउन सकेका छैनन् । अस्पतालमा चिकित्सक, प्राविधिक र कर्मचारीसहित ५७० जना कार्यरत छन् ।
प्रदेश सरकार मातहतमा रहेका अस्पतालको १० तले भवन निर्माण हुने र त्यसमा सबै सेवा उपलब्ध गराउने गुरुयोजनामा उल्लेख छ । गुरुयोजनाको लागत ६ अर्बको छ । भवनको माथि हेलिप्याड समेत रहनेछ । हेलिप्याडबाट सिधै इमर्जेन्सीमा झर्ने लिफ्ट समेत बन्नेछ ।
गुरुयोजनाअनुसार अस्पतालको संरचनाका लागि ६ अर्बको लागत अनुमान गरिएको छ । जसमा १ हजार २०० शैया हुनेछन् । अस्पतालको अगाडिपट्टि रहेका व्यावसायिक सटर डोजर लगाएर भत्काइएको छ । सटर रहेको ठाउँमा पर्खाल निर्माण गरी बगैंचा बनाइने छ । अस्पतालमा साविक पश्चिमाञ्चल क्षेत्रका १६ जिल्लादेखि भारतबाट पनि बिरामी उपचारका लागि आउने गर्छन् ।
(यो रिपोर्ट फ्रीडम फोरमको सहकार्यमा तयार पारिएको हो ।)
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...