अहिले काठमाडौं उपत्यकालगायत मुलुकका अधिकांश क्षेत्रमा वर्षा भइरहेको मौसम पूर्वानुमान महाशाखाले जनाएको छ ।

नेपालमा अहिले स्थानीय वायु, पश्चिमी वायु र अरब सागरमा रहेको ‘निसर्ग’ चक्रवात कमजोर भई बनेको न्यून चापिय क्षेत्रको प्रभाव रहेको महाशाखाले जनाएको छ । 

महाशाखाका अनुसार, अहिले प्रदेश १ , गण्डकी प्रदेश, सुदूरपश्चिम प्रदेश, कर्णाली प्रदेश र बागमती प्रदेशका केही स्थानमा हल्का देखि मध्यम  खालको वर्षा र प्रदेश ५ र प्रदेश २ का थोरै स्थानहरुमा हल्का वर्षा भइरहेको छ ।

शनिवार दिउँसो  प्रदेश १,२, र बागमती प्रदेशमा पूर्ण बदली  तथा गण्डकी, कर्णाली, सुदूर पश्चिम र प्रदेश ५ मा सामान्य बदली रहनेछ ।  प्रदेश १,२, र बागमती प्रदेशका  केही स्थानहरुमा  हल्का देखि मध्यम वर्षाको  सम्भावना रहेको छ बाँकी  प्रदेशका थोरै स्थानहरुमा हल्का वर्षाको  सम्भावना रहेको छ । 

यस्तै शनिवार राती  प्रदेश १ र बागमती प्रदेश मा पूर्ण बदली  तथा बाँकी प्रदेशमा सामान्य बदली रहनेछ । प्रदेश १ र बागमती प्रदेशका केहि र अन्य प्रदेशका थोरै स्थानहरुमा मेघगर्जनरचट्याङ सहित हल्का वर्षाको   सम्भावना रहेको छ । 
प्रदेश १,२, बागमती र गण्डकी प्रदेशका केही स्थानहरुमा   मेघगर्जन/चट्याङ सहित हल्का देखि मध्यम वर्षाको साथै उच्च हिमाली भेगका केही स्थानहरुमा हिमपातको समेत  सम्भावना रहेकोले सतर्कता अपनाउन महाशाखाले आग्रह गरेको छ ।