पाल्पाको रैनादेवी छहरा गाउँपालिका वडा नम्बर ७ का वडा अध्यक्ष देबेन्द्र पुन तीन लाख रुपैयाँ घुस रकमसहित पक्राउ परेका छन् ।

शनिवार बिहान रुपन्देहीको सालझण्डीमा एक ब्यक्तिसंग तीन लाख घुस लिनेक्रममा अख्तियार दुरुपयोग अनुसन्धान आयोग बुटवलको टोलीले पुनलाई रंगेहात पक्राउ गरेको हो । 

काठको काम गर्ने एक ब्यवसायीसँग काठ लिलामको काममा सहजीकरण गरिदिने भनी घुस लिंदै गरेको अवस्थामा पक्राउ गरिएको आख्तियार कार्यालय बुटवलका सूचना अधिकारी सुरेश भुसालले जानकारी दिए ।

पुन अहिले अख्तियारको नियन्त्रणमा छन् । उनलाई अख्तियार कार्यालय टंगाल काठमाडौं पठाउने तयारी छ । पुन नेपाली काँग्रेसका तर्फबाट स्थानीय तहको पहिलो निर्वाचनबाट वडा अध्यक्षमा निर्वाचित भएका थिए । लकडाउनमा जनप्रतिनिधि घुस रकम सहित उनी पक्राउ परेको हुन् ।