कोभिड-१९ को नियम उल्लंघन गरेको आरोपमा भारतको दिल्लीमा रहको सर गंगाराम अस्पतालविरुद्ध मुद्दा चलाइएको छ। 

दिल्ली राज्य सरकारले उक्त अस्पतालमाथि कोभिड-१९ सम्बन्धीत नियम उल्लंघन गरेको आरोप लगाएपछि प्रहरीले उजुरी दर्ता गरेकाे हाे।

समाचार एजेन्सी एएनआईका अनुसार सर गंगाराम अस्पतालमाथि कोभिड १९ परीक्षणको आकडाका लागि आरटीपीसीआर एपको प्रयोग नगरेको आरोपमा कारबाही अगाडि बढाइएको हो।

इन्डियन काउन्सिल अफ मेडिकल रिसर्चको पोर्टललाई कोरोना संक्रमितको संख्या थाहा होस् भनेर भारतमा यो एप प्रयोग गरिन्छ।