सरकारविरुद्धको असन्तुष्टि जाहेर गर्न देशैभरि युवाहरूले प्रदर्शन गर्न थालेका छन् ।

बिहीवार राजधानी काठमाडौँ, पोखरा र चितवनका विभिन्न ठाउँहरूमा प्रदर्शन गरिएका छन् । कोरोना रोकथाम र नियन्त्रणमा सरकार असफल रहेको, भ्रष्टाचार बढिरहेको र अमेरिकी सहयोग परियोजना पास गर्न लागिएको भन्दै जताततै आक्रोशको स्वर उठ्न थालेको हो ।

यस्ता प्रदर्शनहरू केही दिनयता लगातार हुँदै आइरहेका छन् । कतिपय ठाउँमा प्रहरीले शान्तिपूर्ण ढंगबाट प्रदर्शन हुन दिएको छ भने कतिपय ठाउँमा हस्तक्षेप पनि गर्दै आइरहेको छ ।

यसरी भइरहेका प्रदर्शनहरू संगठित भने छैनन् । विवेकशील दलका अध्यक्ष मिलन पाण्डेले आफ्ना दलका युवाहरू पनि सामेल भएको तर दलको योजनामा प्रदर्शन नभएको बताए ।

प्रदर्शनमा स्वतन्त्र विद्यार्थी, अभियन्ता, व्यवसायीहरूको सहभागिता रहेको छ ।

तस्वीर - सामाजिक सञ्जाल, मुकुन्द कालिकोटे (रिपोर्टस नेपाल)