नेपाली कांग्रेसका केन्द्रीय सदस्य डा. शेखर कोइरालाले वर्तमान सरकार भ्रष्टाचारको चाङमाथि उभिएको आरोप लगाएका छन् । उनले सरकारले नागरिकलाई शोषण गरिरहेको आरोप समेत लगाएका छन् । 

शुक्रवार बिहान सामाजिक सञ्जाल ट्वीटरमा एक ट्वीट गर्दै डा. कोइरालाले  सरकारले कोरोना भाइरसको परीक्षणमा प्रयोग गरिने आरडीटी र पीसीआरमा समेत भ्रष्टाचार गरेको भन्दै सरकार भ्रष्टाचारको चाङमाथि उभिएको आरोप लगाएका हुन् । 

उनले सरकारले क्वारेन्टीनमा समेत भ्रष्टाचार गरेको भन्दै हर क्षेत्रमा भ्रष्टाचार गरेको सरकारले चार्टर फ्लाईटमा समेत भ्रष्टाचार गरेको उनको भनाइ छ । 

उनले पछिल्ला केही दिनमा बालुवाटार लगायत देशका मुख्य शहरहरूमा भइरहेको सरकारविरुद्धको प्रदर्शन सरकारले भ्रष्टाचार गर्दाको परिणाम भएको बताएका छन् । उनले स्वस्फूर्त आन्दोलनमा उत्रिएका युवाहरूलाई उनले बधाई समेत दिएका छन् ।

सामाजिक सञ्जाल ट्वीटरमा उनले लेखेका छन्,‘आरडीटी र पीसीआरमा भ्रष्टाचार, राहतमा भ्रष्टाचार, क्वारेन्टीनमा भ्रष्टाचार, चार्टर्ड फ्लाईटमा भ्रष्टाचार । यो सरकार भ्रष्टाचारको चाङमाथि उभिएको छ । त्यसैको परिणाम हो काठमाडौंको बालुवाटार लगायत देशका विभिन्न शहरमा भएको युवाहरूको प्रदर्शन । बधाई स्वतस्फूर्त प्रदर्शनमा उचिएका ती युवाहरूलाई ।’

आरडिटी र पिसिआरमा भ्रष्टाचार,राहतमा भ्रष्टाचार,क्वारेन्टाइनमा भ्रष्टाचार, चार्टर फ्लाईटमा भ्रष्टाचार।
यो सरकार भ्रष्टाचारको चाङमाथी उभिएको छ।त्यसैको परिणाम हो काठमाडौको वालुवाटार लगायत देशका बिभिन्न शहरमा भएको युवाहरुको प्रदर्शन।बधाई स्वतस्फूर्त प्रर्दशनमा उत्रिएका ति युवाहरुलाई।

— Dr Shekhar Koirala (@Shekharnc) June 12, 2020

उनले बिहीवार राती अर्को ट्वीट गरेका थिए । अर्को ट्वीटमा उनले विदेशमा अलपत्र नेपालीलाई स्वदेश ल्याउने बाहनामा सरकारले उनीहरूबाट दोब्बर भाडा असुली गरेको आरोप लगाए । सरकारले होटल, घरसम्म जाने र क्वारेन्टीनमा खर्च पनि नागरिक आफैंले तिर्नुपरेको भन्दै सरकारले आफ्नै नागरिकको शोषण गरेको उल्लेख गरे । 

उनले ट्वीटरमा लेखेका छन्,‘विदेशमा परिश्रम गरेर देशको अर्थतन्त्रमा महत्वपूर्ण योगदान पुर्‍याउने नागरिकहरूलाई चार्टड फ्लाईटमार्फत स्वदेश ल्याउने बाहनामा सरकारले उनीहरूबाट दोब्बर हवाई भाडा असुलिरहेको छ । होटल, घरसम्म जाने र क्वारेन्टीनमा खर्च पनि उनीहरूले नै तिर्नुपर्ने । आफ्नै नागरिकको चरम शोषण कहिलेसम्म सरकार ?’

बिदेशमा परिश्रम गरेर देशको अर्थतन्त्रमा महत्वपूर्ण योगदान पुर्याउने नागरिकहरुलाई चार्टर फ्लाईट मार्फत स्वदेश ल्याउने बहानामा सरकारले उनीहरुबाट दोब्बर हवाई भाडा असुलिरहेको छ।होटल,घरसम्म जाने र क्वारेन्टाइन खर्च पनि उनीहरुले नै तिर्नुपर्ने।आफ्नै नागरिकको चरम शोषण कहिले सम्म सरकार?

— Dr Shekhar Koirala (@Shekharnc) June 11, 2020