कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
प्रदेश ५ को प्रदेश सभाबाट सवारी सुविधा पाएका पदाधिकारीहरूले बन्दाबन्दी (लकडाउन)को समयमा समेत इन्धन खर्च बुझेका छन् ।
सत्तारुढ तथा विपक्षी दलका प्रमुख सचेतक, सचेतक, संसदीय समिति सभापतिहरू लगायतले साविक बमोजिम इन्धन सुविधा बुझेका हुन् ।
प्रदेश ५ को प्रदेश सभामा ७ वटा विषयगत समिति छन् । लकडाउनको समयमा केही समितिको त बैठक नै बसेको छैन ।
प्रदेश सभामा अहिले विपक्षी दलका नेता भने छैनन् । संसदीय दलका नेता बलदेव शर्मा पोखरेलको निधनपछि कांग्रेसले अर्को नेता चुन्न सकेको छैन ।
सवारी सुविधा पाएकाहरूले इन्धन सुविधा बुझिरहेको र कतिपयले बिल पेश गरी अतिरिक्त रकम पनि बुझेको प्रदेश सभा सचिवालयका एक कर्मचारीले जानकारी दिए ।
प्रदेश सभा सचिवालयका एक कर्मचारीले भने, ‘माननीयहरूले ‘लकडाउन’को समयको इन्धन खर्च चाहिँदैन नभनेपछि उहाँहरूको बैंक खातामा रकम राखिदिएका हौंं । केहीले इन्धन राखेपछि बिल लिएर आउनुहुन्छ, उहाँहरूलाई बिल अनुसारको रकम पनि दिन्छौं ।’
सचिवालयले गाडी पाएका सभापतिलाई मासिक १५० लिटर डिजेलको बजार मूल्य अनुसारको रकम बैंक खातामा उपलब्ध गराउँदै आएको छ । सभामुख र उपसभामुखले भने मासिक २०० सय लिटर इन्धन सुविधा पाउँछन् ।
उनीहरूले चैत र वैशाखको इन्धन खर्च बुझिसकेका छन् । जबकि यो २ महिनामा प्रदेश सभा बैठक समेत (चैत ५ देखि जेठ ९ सम्म) बसेन ।
लकडाउन पूर्व चैत ५ गते प्रदेश सभाको बैठक बसेको थियो । त्यस बैठकमा चैत १५ गते अर्को बैठक बस्ने सूचना जारी गरिएपनि कोरोनाभाइरस संक्रमणको जोखिम न्यूनीकरणका लागि ‘लकडाउन’ भएपछि सूचना जारी गर्दै बैठक स्थगित गरियो ।
वैशाख ११ गते प्रदेश प्रमुख धर्मनाथ यादवले संविधानको धारा १८३ को उपधारा २ बमोजिम प्रदेश सभाको अधिवेशन अन्त्य गरेका थिए । प्रदेश ५ को बजेट अधिवेशन जेठ ९ गतेदेखि शुरू भएको थियो ।
प्रदेशसभाका अर्का कर्मचारीले भने, ‘कोरोना महामारीले राज्यलाई आर्थिक चाप थेग्न समस्या परेका बेलामा हामीलाई यस्तो बेलामा इन्धन खर्च चाहिँदैन भनेको भए हामीले दिने थिएनौं । तर, उहाँहरूले मन फुकाएर भन्न नसकेपछि त हामीले रोक्ने कुरा पनि भएन ।’
प्रदेश सभा सचिवालयका अनुसार इन्धनमा वार्षिक झण्डै २३ लाख रुपैयाँ खर्च हुुने गरेको छ । प्रदेशसभा ८७ सदस्यीय छ ।
विशेषाधिकार समितिका सभापति कमलराज श्रेष्ठले लकडाउनका बेलामा समितिको बैठक नबसेको बताए । उनले भने, ‘कोभिड कोषलाई भनेर हाम्रो १५ दिनको तलब काटेको छ । राज्यले आवश्यक परे सबै सुविधा रोकेपनि केही छैन । तर, इन्धन सुविधा त बैठक बस्दा लिने अन्य बेलामा नलिने भन्ने होइन ।’
लकडाउनमा समितिका धेरै बैठक नबसेको सार्वजनिक लेखा समितिका सदस्य गीता थापाले बताइन् । उनले भनिन्, ‘बैठक बसौं भनेर पटक–पटक सभापतिसँग पहल गर्दा पनि बैठक धेरैवटा बस्न नसकेको बताइन् ।
सार्वजनिक लेखा समितिको सभापति डिल्लीबहादुर चौधरी, अर्थ उद्योग तथा पर्यटन समितिमा नेकपाका दधिराम न्यौपाने, भौतिक पूर्वाधार तथा विकास समितिमा आशा स्वर्णकार छन् ।
प्रदेश मामिला तथा कानून समितिमा दामाकुमारी शर्मा, सामाजिक विकास समितिमा दीर्घनारायण पाण्डे, कृषि वन तथा वातावरण समितिमा विजयबहादुर यादव र विशेषाधिकार समितिमा कमलराज श्रेष्ठ छन् ।
लकडाउनको समयमा पनि राज्यको काम गरेकाले इन्धन सुविधा लिइएको यादवले बताए ।
‘मलाई डेढ सय लिटर इन्धन दिन्छ प्रदेश सभाले । म त नेपालगञ्ज बस्छु । बुटवलमा आउँदा नं एक पटकमा ५० लिटर तेल सकिन्छ । मितव्ययी हुनुपर्ने हो तर, इन्धनले पुगेन ।’
प्रदेश सभाका सभामुखको पारिश्रमिक ५३ हजार, उपसभामुखको ५० हजार, विपक्षी दलका नेताको ५० हजार र सचेतकको ४८ हजार र सदस्यहरूको ४ हजार रहेकोमा रहेको थियो ।
साउनदेखि सेवासुविधा १५ देखि १८ प्रतिशतसम्म बढाइएको छ । त्यस्तै संसद बैठक भत्ता १ हजार पाउँछन् ।
सांसदहरूलाई घरभाडाबापत १५ हजार समेत उपलब्ध गराइन्छ ।
बुटवल घर हुनेलाई ७ हजार ५ सय दिइन्छ । अहिले संसद्मा बजेटमाथि छलफल चलिरहेको छ ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...