भारतीय मिडियाको टिप्पणी: ओलीले नदिए पूर्वमाओवादी मन्त्री सामूहिक राजीनामा दिनसक्छन् !

फाइल फोटो।

नेपाल कम्युनिस्ट पार्टी (नेकपा) स्थायी कमिटी बैठकमा प्रधानमन्त्री केपी शर्मा ओलीको राजीनामा मागिएपछि गहिरिएको राजनीतिक संकटसँगै देशविदेशमा विभिन्न अड्कलबाजी शुरू भएका छन्।

पार्टी अध्यक्ष पुष्पकमल दाहाल ‘प्रचण्ड’, वरिष्ठ नेताद्वय झलनाथ खनाल, माधवकुमार नेपाल, उपाध्यक्ष वामदेव गौतम लगायतले ओलीको राजीनामा मागे पनि ओलीले राजीनामा नदिए आगामी रणनीति के हुन्छ भन्ने स्पष्ट छैन । 


Advertisement

तर भारतीय मिडिया आजतकले ओलीले राजीनामा नदिए पूर्व माओवादी खेमाका मन्त्रीले सामूहिक राजीनामा दिनसक्नेसमाचार प्रकाशित गरेको छ । यसअघि मंगलवारको स्थायी कमिटी बैठकमा बोल्दै प्रधानमन्त्री ओलीले नेकपाभित्रको राजनीति र रणनीतिबारे भारतीय मिडियामा पहिल्यै खबर आउने गरेको भनेर आशंका व्यक्त गरेका थिए ।

आजतकले लेखेको छ, ‘प्रचण्डले ओलीको राजीनामा मागेका थिए, त्यसपछि राजनीतिक संकट गहिरिएको छ । अब खबर आएको छ कि ओलीले राजीनामा दिए माओवादी खेमाका केही मन्त्रीले सामूहिक राजीनामा दिनसक्छन् ।’ पार्टी स्थायी कमिटीमा ओलीसँग बहुमत नभएकाले संसदीय दलमा बहुमत पुर्‍याउने कोसिस भइरहेको समाचारमा उल्लेख छ ।


Advertisement

प्रधानमन्त्री ओलीले प्रधानमन्त्री पदबाट राजीनामा दिए अध्यक्ष पद बचाउन सक्ने समेत समाचारमा लेखिएको छ । नेपाल–भारत नक्सा विवाद शुरू भएपछि नेपालमा राजनीतिक संकट शुरू भएको भारतीय मिडियाको दाबी छ ।

राजीनामाको विषय चर्किएपछि प्रधानमन्त्री ओलीले आफू निकटका मन्त्रीसँग बुधवार बिहान बैठक गरेको र माओवादी मन्त्रीलाई केही ढिला बोलाइएको आजतकको समाचारमा उल्लेख छ । समाचार अनुसार बैठकमा आगामी रणनीतिबारे छलफल भएको छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्