केशव बडालको दाबी– नेकपा विवाद सैद्धान्तिक होइन, केपी ओलीविरुद्धको इगो !

नेकपा स्थायी कमिटी सदस्य केशव बडालले नेकपाभित्र देखिएको विवाद सैद्धान्तिक नभई केपी ओलीविरुद्धको इगोका कारण निम्तिएको दाबी गरेका छन् ।

बिहीवार केहीबेर बसेको स्थायी कमिटी बैठकमा बडालले देश संकटमा रहेका बेला ओलीको राजीनामा मागिनु गम्भीर विषय भएको बताएका हुन् ।


Advertisement

उनले मंगलवारको बैठकमा अध्यक्ष पुष्पकमल दाहाल ‘प्रचण्ड’ लगायतले बोलेका शब्द अपमानजनक भएको बताएका थिए ।

‘ओलीको राजीनामा माग गरेको विषयमा ओलीविरुद्धको इगोले काम गरेको जस्तो लाग्छ, आठौं महाधिवेशनको बेला माधव नेपालले ओलीविना पार्टी चल्दैन भन्नुभयो, केपी र झलनाथ उठ्नुभयो । नवौंमा ओली र नेपालबीच प्रतिष्पर्धा भयो । दोस्रो संविधानसभा निर्वाचनपछि संसदीय दलमा पनि केपी र झलनाथबीच प्रतिष्पर्धा भयो केपीले जित्नुभयो । त्यहीँ देखिको इगोको विवाद हो,’ बडालले बालुवाटारमा पत्रकारहरूसँग भने ।


Advertisement

सरकारविरुद्धको अभिव्यक्ति पनि इगोकै कारण आएको उनले दाबी गरे । ‘झापाको केचनाकवलमा क्वारेन्टीनमा समस्या आएपनि ओलीकै आलोचना, दार्चुला या जुम्लामा क्वारेन्टीनमा केही नपुगेपनि ओलीकै आलोचना ?’ बडालले भने, ‘इगोबाट मुक्त भए निकाश आउँछ ।’ 
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्