आफ्नो पक्षमा आन्दोलन चर्काउन प्रधानमन्त्री ओलीको निर्देशन

तस्वीर-सामाजिक सञ्जाल

सत्तारूढ दल नेपाल कम्युनिस्ट पार्टी (नेकपा)भित्र विवाद चुलिएपछि प्रधानमन्त्रीसमेत रहेका अध्यक्ष ओलीले आफ्नो पक्षमा आन्दोलन चर्काउन युवाहरूलाई निर्देशन दिएका छन् ।

बिहीवार राति ११ बजे ओलीले आफू पक्षका युवाहरूलाई बालुवाटार बोलाएका थिए ।


Advertisement

अध्यक्ष पुष्पकमल दाहाल 'प्रचण्ड' र वरिष्ठ नेता माधवकुमार नेपाल समूहका नेताहरूले जारी स्थायी कमिटी बैठकमा आफ्नो राजीनामा माग गर्न थालेपछि ओलीले सडकमा आउन आफूनिकटका युवाहरूलाई निर्देशन दिएका हुन् ।

'उहाँले राष्ट्रका पक्षमा सडकमा आउन हामीलाई आग्रह गर्नुभयो,' मध्यरातमा बालुवाटार पुगेका पूर्वएमालेनिकट युवा संगठनका एक पदाधिकारीले बताए ।


Advertisement

उनले प्रधानमन्त्रीको निर्देशनबमोजिम शुक्रवारबाट नै देशव्यापी आन्दोलन शुरू हुने दाबीसमेत गरे ।

 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्