ओली-प्रचण्ड वार्ता सकारात्मक, ठोस सहमति भने भएन

पार्टीभित्र चुलिएको संकट समाधानको विषयलाई लिएर नेपाल कम्युनिस्ट पार्टी (नेकपा)का अध्यक्षद्वय केपी शर्मा ओली र पुष्पकमल दाहाल प्रचण्डबीच झण्डै ३ घण्टा छलफल भएको छ । 

प्रधानमन्त्री निवास बालुवाटारमा शुक्रवार भएको छलफल सकारात्मक रहेको नेकपा उच्च स्रोतले जानकारी दियो ।


Advertisement

‘दुवै अध्यक्षले खुलेर कुरा राख्नुभयो, ठोस सहमति केही भएन, स्थायी कमिटी बैठकअघि फेरि फेरि बस्ने कुरा भयो,’ नेकपा उच्च स्रोतले भन्यो ।

ओली–प्रचण्ड वार्तामा महासचिव विष्णु पौडेल र स्थायी कमिटी सदस्य जनार्दन शर्मा पनि सहभागी थिए ।


Advertisement

असार १० गतेदेखि शुरू भएको स्थायी कमिटीको बैठक रोकेर आज अध्यक्षद्वयबीच छलफल भएको हो । 

मंगलवारको बैठकमा प्रचण्ड लगायत नेकपाका शीर्ष नेताहरूले ओलीको राजीनामा माग गरेपछि नेकपाभित्रको विवाद पेचिलो बन्दै गइरहेको छ ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्