ओलीसँगको वार्तापछि बालुवाटारबाट बाहिरिए प्रचण्ड, सहयोगीहरु बैठकमै

पार्टीभित्र देखिएको विवाद समाधानलाई लिएर नेपाल कम्युनिस्ट पार्टी (नेकपा)का अध्यक्ष एवं प्रधानमन्त्री केपी शर्मा ओली र अध्यक्ष पुष्पकमल दाहाल 'प्रचण्ड'बीच आइतवार बालुवाटारमा डेढ घण्टा वार्ता भएको छ ।

ओलीसँगको वार्ता सकेर प्रचण्ड पौने २ बजे बालुवाटारबाट बाहिरिएका छन् । प्रचण्डका २ सहयोगी नेता वर्षमान पुन र जनार्दन शर्मा भने बालुवाटारमै छन् ।


Advertisement

वार्तामा ओलीको तर्फबाट महासचिव विष्णु पौडेल र स्थायी कमिटीका सदस्य शंकर पोखरेल पनि सहभागि थिए । प्रचण्ड बाहिरिए पनि उनका सहयोगी नेता र ओलीका सहयोगी नेताहरूबीच छलफल जारी छ ।

ओली प्रचण्डबीच शुक्रवार जस्तै जेठ २ गतेको सहमतिमा फर्किने या मंसिरको सहमतिमा फर्किने भन्नेमा छलफल भएको स्रोतको भनाइ छ । मन्त्री र राज्यमन्त्रीसँग हिजो प्रधानमन्त्रीले गलत ब्रिफिङ गरेको भन्दै असहमति जनाएका थिए ।


Advertisement

ओली र प्रचण्डबीच सहमति खोज्न भन्दै शनिवारका लागि बोलाइएको स्थायी कमिटी बैठक भोलि सोमवारसम्मको लागि स्थगित भएको छ । असार १० गते शुरु भएको स्थायी कमिटी बैठकमा गत मंगलवार प्रचण्डलगायत शीर्ष नेताहरुले ओलीको राजीनामा माग गरेपछि नेकपा विवाद नयाँ चरणमा प्रवेश गरेको हो ।

शुक्रवारको बैठकमा प्रचण्डले आलोपालो सरकारको नेतृत्व गर्नेगरी २०७५ जेठ २ गते भएको सहमतिमा फर्किन प्रस्ताव गरेका थिए भने ओलीले प्रचण्डलाई कार्यकारी अध्यक्ष बनाउने २०७६ मंसिरको समझदारीलाई थप व्याख्या गरेर जान प्रस्ताव गरेका थिए ।

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्