मंसिर ८, २०८०
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
पार्टीभित्रको विवाद उत्कर्षमा पुगेको समयमा नेकपाभित्र सहमतिका लागि भन्दै पाँचबुँदे ड्राफ्टमा अनौपचारिक छलफल शुरु भएको छ । पार्टीलाई फूटबाट जोगाउन र सहमति खोज्न भन्दै मध्यमार्गी समाधानको पहल शुरु भएको हो ।
अध्यक्षद्वय प्रधानमन्त्री केपी शर्मा ओली र पुष्पकमल दाहाल 'प्रचण्ड'बीच आइतवार भएको भेटवार्तामा ठोस सहमति भएन । सहमतिका लागि सहमति मात्र भयो । थप सहमतिका लागि ४ जना नेतालाई जिम्मा लगाइएको छ । सहमतिका लागि दोस्रो तहका नेताहरुले पनि विभिन्न विकल्पमा छलफल गरिरहेका छन् ।
‘सहमतिका लागि सम्भावित मिलनबिन्दु’ नाम दिइएको ड्राफ्टलाई आधार बनाएर छलफल शुरु भएको स्रोतको दाबी छ । अध्यक्ष प्रचण्ड, वरिष्ठ नेता माधवकुमार नेपाल पक्षले प्रधानमन्त्रीबाट ओलीको राजीनामा माग गरेपछि नेकपाको विवाद बल्झिएको थियो ।
सहमतिका लागि दोस्रो पुस्ताका नेताहरुले छलफललाई तीव्र बनाएका छन् । स्रोतका अनुसार नेकपाभित्र सहमतिका लागि ५ बुँदमा छलफल भइरहेको छ । ती ५ बुँदालाई थप व्याख्या गर्नेगरी सहमतिको प्रस्ताव तयार गर्न मध्यमार्गी नेताहरूले प्रस्ताव गरेका हुन् ।
प्रचण्डलाई पूर्ण कार्यकारी अध्यक्ष
पार्टीको बैठक संचालन तथा पार्टीको कामकारवाहीका लागि सम्पूर्ण स्वतन्त्रतासहित प्रचण्डलाई पूर्ण कार्यकारी अध्यक्ष बनाउने सो प्रस्तावमा उल्लेख छ । २०७६ मंसिरमा सचिवालय बैठकले प्रचण्डलाई कार्यकारी अधिकार दिएपनि उनले सो अधिकार प्रयोग गर्न नपाएको गुनासो गर्दै आएका थिए ।
सहमतिका लागि प्रस्तावित यो बुँदालाई व्याख्या गर्दै ‘बैठक संचालन गर्न र पार्टीका अरु गतिविधि संचालन गर्न परामर्श नचाहिने, एक्लैले निर्णय गर्न सक्ने’ प्रस्ताव गरिएको छ । यसमा थप व्याख्या आवश्यक रहेको नेताहरूको निष्कर्ष छ ।
माधवकुमार नेपालको संयोजकत्वमा 'सरकार संचालन संयन्त्र'
सहमतिका लागि अगाडि सारिएको ड्राफ्टको अर्को बुँदामा सरकार संचालनका लागि संयन्त्र बनाउने उल्लेख गरिएको छ । सरकार संचालनका लागि प्रधानमन्त्री केपी शर्मा ओली, प्रचण्ड, माधवकुमार नेपाल, झलनाथ खनाल र वामदेव गौतम रहेको संयन्त्र बनाउन प्रस्ताव गरिएको छ ।
सरकार संचालनका लागि बनाइने संयन्त्रको सम्भावित अध्यक्ष माधवकुमार नेपाललाई बनाउने प्रस्तावमा रहेको स्रोतको दावी छ । यसको व्याख्यामा ‘सरकारका महत्वपूर्ण काम, कारवाही, निर्णय र नियुक्तिका बारेमा संयन्त्रमा छलफल गरेपछि मात्र सरकारले निर्णय गर्ने’ उल्लेख छ ।
सम्मानजनक हैसियतसहित मन्त्रिमण्डल पुर्नगठन
सहमतिका लागि प्रस्तावित ड्राफ्टको तेस्रो बुँदामा ओली नेतृत्वको मन्त्रिपरिषद् पुर्नगठन गर्ने उल्लेख छ । सबै नेताको भावना सम्वोधन हुनेगरी मन्त्रिपरिषद् पुर्नगठन गरेर सरकारलाई गति दिन प्रस्ताव गरिएको छ ।
असमान नियुक्ति बदर गर्ने,पुनर्नियुक्ति गर्ने
सहमतिका लागि अगाडि सारिएको प्रस्तावमा यसअघि भएका असमान नियुक्ति खारेज गरेर पुन नियुक्ति गर्ने भन्ने उल्लेख छ । प्रदेशका मुख्यमन्त्री, सल्लाहकारहरु तथा अन्य सुविधाका पदमा रहेका नियुक्तिमा हेरफेर गर्ने प्रस्तावमा रहेको विवाद समाधानमा क्रियाशील रहेका एक मध्यस्थकर्ताले जानकारी दिए । नेकपाले सरकारको नेतृत्व गरेका ६ मध्ये २ वटा प्रदेशको मुख्यमन्त्री हेरफेर गर्ने प्रस्ताव गरिएको छ ।
विधिसम्मत पार्टी संचालन,जिम्मेवारी बाँडफाँड
सहमतिको पाँचौ नम्बर बुँदामा पार्टीलाई विधीसम्मत ढंगले संचालन गर्ने उल्लेख छ । यसका लागि जिम्मेवारी नपाएका सदस्यहरुलाई सम्मानजनक जिम्मेवारी दिने उल्लेख छ । खासगरी मुख्यमन्त्री र मन्त्रीहरुले पाएको दोहोरो जिम्मेवारी अन्त्य गरेर उनीहरुलाई एक पद दिने प्रस्तावमा उल्लेख छ । कतिपय मुख्यमन्त्रीले सम्बन्धित प्रदेशको पार्टीको इन्चार्जको समेत भूमिका निभाएका छन् ।
‘यो कस्तो तरिका हो के रोडमा हिँड्न पनि नपाउने ? म बौद्ध जाने बस कुरेर बसेकी हुँ के । तपाईंहरू किन ममाथि आवश्यकताभन्दा बढी निगरानी गरिरहनु भएको छ,’ मेडिकल व्यवसायी दुर्गा प्रसाईंका कार्यकर्ता...
नेपाली कांग्रेसका नेता डा. शेखर कोइरालाले आफ्नो समूहको बैठक बोलाएका छन् । आगामी महासमिति बैठकसहितका विषयमा छलफल गर्न कोइरालाले आगामी मंगलवार समूहको बैठक बोलाएका नेता डा. गोविन्दर...
मोहन वैद्यले नेतृत्व गरेको नेकपा (माओवादी क्रान्तिकारी)ले गरेको लालमार्च तथा सभामा कुर्सी हानाहान भएको छ । क्रान्तिकारीले १३१ औं माओ दिवसका अवसरमा काठमाडौंको शान्ति वाटिकामा गरेको मार्चपासमा कुर्सी हानाहान...
जसपाबाट उपराष्ट्रपतिमा रामसहाय यादवको उम्मेदवारी कायम भएको छ। सत्ता गठबनधनको तर्फबाट उपराष्ट्रपतिको उम्मेदवार बनाइएका जसपा नेता रामसहाय प्रसाद यादवको उम्मेदवारी निर्वाचन आयोगले कायमै राख्ने ...
नेकपा (एकीकृत समाजवादी)का अध्यक्ष माधवकुमार नेपालले कोशी प्रदेशमा सर्वदलीय सरकारको आवश्यकता रहेको बताएका छन् । विराटनगर विमानस्थलमा शनिवार सञ्चारकर्मीहरूसँग कुराकानी गर्दै पूर्वप्रधानमन्त्रीसमेत रहेका न...
नेपाली कांग्रेसका केन्द्रीय सदस्य तथा सांसद डा. चन्द्र भण्डारीले पार्टी सभापति शेरबहादुर देउवाले अब नेतृत्व छाड्नुपर्ने बताएका छन् । पार्टीको लुम्बिनी प्रदेश सम्मेलनमा शनिवार बोल्दै भण्डारीले देउवाले अब...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...