सिन्धुपाल्चोकको दुई ठाउँमा आएको भीषण वर्षापछि आएको बाढी र पहिराेका कारण बस्ती पुरिएको छ ।

बाह्रविसेकाे जम्बु भन्ने ठाउँ र भाेटेकाेसी गाँउपालिकाकाे बन्जी जम्प गर्ने ठाउँमा पहिराे गएकाे जिल्ला प्रहरी कार्यालयका प्रमुख एसपी प्रज्वल मर्हजनले लोकान्तरलाई जानाकारी दिए ।

जिल्ला प्रहरी कार्यालय सिन्धुपाल्चोकका अनुसार जिल्लाको बाह्रबिसे नगरपालिकाको जम्बु भन्ने ठाउँ बाढी पस्दा गाती बजारमा पहिरो गएको हो । 

भोटेकोशी नदीको बाढीले घरहरू बगाएको र केही मानिस पनि बेपत्ता भएको जिल्ला प्रहरी कार्यालयले जनायो ।

उनले भने, ‘बाह्रबिसेको जम्बु भन्ने ठाउँमा बाढी र पहिरो जाँदा बजार नै बगाएको छ । उद्दारका लागि प्रहरी टोली त्यहाँ पुग्दैछ ।

भोटेकोशी नदीको बाढीले एक दर्जनभन्दा बढी घर बगाएको छ भने केही स्थानीयहरू समेत बेपत्ता भएका छन् । 

बाढीले अरनिको राजमार्ग समेत बगाएको छ ।