सल्यानमा ट्रयाक्टर दुर्घटनामा परी १ जनाको मृत्यु भएको छ । 

दार्मा गाउँपालिका–४ सरसुखोलामा बिहीवार बिहान ट्रयाक्टर दुर्घटना हुँदा १ जनाको घटनास्थलमै मृत्यु भएको हो । 

कुमाख गाउँपालिका ५ नेटाबाट रुकुम चौरजहारी जाँदै गरेको रा१त ३४८७ नम्बरको ट्रयाक्टर दुर्घटना हुँदा ट्रयाक्टरधनी कुमाख गाउँपालिका–५ झारकाँडाका तिलक थापाको घटनास्थलमै मृत्यु भएको जिल्ला प्रहरी कार्यालयले जनाएको छ ।

दुर्घटनामा परी सोही ठाउँका सहचालक गम्भीर घाइते भएको बताइएको छ । शव परीक्षणका लागि सल्यान अस्पताल ल्याउने तयारी भइरहेको छ ।