कोरोना संक्रमित देखिने दर घट्दै, आज ७० जनामा मात्रै संक्रमण पुष्टि

कोरोना भाइरस संक्रमित व्यक्तिको दैनिक थपिने दर नेपालमा घट्दै गएको छ ।

केही दिनअघिसम्म दैनिक ५०० भन्दा बढी संक्रमित बढ्ने क्रम रहेकोमा केही दिनयता संक्रमितको संख्या घट्दै गएको छ । 


Advertisement

कोरोना भाइरस संक्रमितको अद्यावधिक विवरण सार्वजनिक गर्दै स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमले शनिवार थप ७० जनामा संक्रमण पुष्टि भएको जानकारी दिए ।

शुक्रवारसम्म सय जनाभन्दा बढी व्यक्तिमा संक्रमण पुष्टि हुने गरेको भए पनि शनिवार संक्रमितको संख्या घटेर सयभन्दा तल झरेको छ । प्रवक्ता गौतमका अनुसार सक्रिय संक्रमितको संख्या ८ हजार २३९ रहेका छन् भने हालसम्म डिस्चार्ज संख्या ८ हजार ४४२ रहेको छ । मन्त्रालयका अनुसार आधा अर्थात् ५० प्रतिशतभन्दा बढी संक्रमित निको भइसकेका छन् ।


Advertisement

शनिवारसम्म देशभर संक्रमितको संख्या १६ हजार ७१९ पुगेको छ । 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्