कात्तिक २३, २०७८
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
नेपालमा शनिबारसम्म कोरोना भाइरस संक्रमितको संख्या १६ हजार सात सय १९ पुगेको छ । जसमध्ये आठ हजार चार सय ४२ जना उपचारपछि डिस्चार्ज भएका छन् ।
डिस्चार्ज भएका घर फर्केका यी व्यक्तिमध्ये फेरि कोही व्यक्ति संक्रमित भएर उपचारका लागि अस्पताल भर्ना भएका छन् त ? स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार उपचारपछि डिस्चार्ज भएका कसैलाई पनि पुनः संक्रमण देखिएको छैन । ‘डिस्चार्ज भएर गएका कसैलाई पनि पुनः कोरोना संक्रमण देखिएको छैन ।’ सरुवा रोग विशेषज्ञ डा.शेरबहादुर पुनको भनाइ पनि यस्तै छ ।
‘संक्रमितमध्ये डिस्चार्ज भएका कसैलाई पनि पुनः संक्रमण देखिएको छैन,’ डा. पुन भन्छन् । संक्रमणपछि उपचार पाएर डिस्चार्ज भइसकेका व्यक्तिलाई पुनः संक्रमणले छुन्छ कि छुँदैन ? यसमा भने विज्ञहरुको मत बाझिएको छ । एकथरी विज्ञहरु एकपटक संक्रमित भएर गइसकेपछि शरीरमा एन्टिबडी बन्छ र ढुक्क भएर काम गर्न सक्ने बताउँछन् । केही विज्ञले भने संक्रमण भएको व्यक्तिमा भएको एन्टिबडीले पूर्ण रुपमा काम नगर्न पनि सक्छ भनेर सावधानी अपनाउन सुझाव दिएको देखिन्छ ।
यद्यपि यस विषयमा थप अनुसन्धान भइरहेको छ । स्वास्थ्य तथा जनसंख्या मन्त्रालयका प्रवक्ता डा. गौतम भन्छन्, ‘संक्रमण नहुने भने होइन, तर सचेत भने हुनै पर्छ ।’ सरुवा रोग विशेषज्ञ डा. पुन पनि डिस्चार्ज भइसकेकाहरुलाई पुनः संक्रमण नभएपनि सतर्कता भने अपनाउनुपर्ने बताउँछन् । ‘डिस्चार्ज भएर १४ दिन नाघेर घर गएका व्यक्तिलाई पुनः कोरोना भएको पाइएको छैन । त्यसैले कोरोनाबाट तर्सिहाल्नुपर्ने र आत्तिहाल्नुपर्ने अवस्था छैन ।’
केही समयअघि उपचारपछि घर फर्र्किएका केही व्यक्तिको पिसीआर परीक्षणका क्रममा पुनः पोजेटिभ देखिएको समाचार बाहिर आएको थियो । यो विषयमा डा. पुन भन्छन्, ‘ती व्यक्तिमा निष्कृय भाइरसको टुक्राटुक्री (पार्टीकल) बाँकी रहेको देखियो, त्यसैले त्यस्तो रिपोर्ट आएको हो ।’ अन्य देशमा पनि संक्रमित व्यक्ति घर फर्किसकेपछि पुनः सो व्यक्तिमा संक्रमण देखिएको वारेमा कुनै तथ्य सार्वजनिक नभएको संक्रामक रोग विशेषज्ञहरुको भनाइ छ ।
नेपालमा पछिल्लो पटक संक्रमितको संख्या कम हुँदै गएको छ । गत २४ घण्टामा ७० जना मात्र नयाँ संक्रमित थपिएको छ । गत २४ घण्टामा तीन हजार ६ सय ४८ जनाको कोरोना परीक्षण गरिएको छ । परीक्षण नै कम भएकाले संक्रमितको संख्या कम हुँदै गएको आरोप पनि लाग्दै आएको छ । संक्रमित मध्ये अधिकांश लक्षणविहीन रहेको स्वास्थ्य मन्त्रालयले जनाएको छ । कुल संक्रमितमध्ये ८ हजार २ सय ३९ जना मात्र सक्रिय संक्रमित रहेका छन् । हाल २३ हजार ९ सय १० जना क्वारेन्टाइनमा रहेको स्वास्थ्य मन्त्रालयले जनाएको छ ।
हालसम्म २ लाख ७९ हजार पाँच सय ९९ जनाको आरटीपिसीआर प्रविधिबाट कोरोना परीक्षण गरीएको छ । हालसम्म संक्रमितमध्ये आठ हजार चार सय ४२ जना डिस्चार्ज भएका छन् । स्वास्थ्य मन्त्रालयका अनुसार पछिल्लो एक सातामा दुई हजार ९७ जना डिस्चार्ज भएका छन् ।
गत आइतवार एक सय ३२ जना, सोमवार तीन सय ३४, मंगलवार ६ सय ८८ जना, बुधबार २ सय ५३ जना, विहीवार एक सय ३९ जना, शुक्रवार एक सय २० जना र शनिवार चार सय ३१ जना डिस्चार्ज भएका छन् । यसरी हेर्दा कुल संक्रमित मध्ये ५० दशमलव ४९ प्रतिशत डिस्चार्ज भएको देखिन्छ ।
जनस्वास्थ्यविज्ञ डा.रवीन्द्र पाण्डे भने कोरोना संक्रमण बढ्दै गएको भन्दै सतर्कता अपनाउन सुझाव दिन्छन् । ‘सकभर घरभित्र बसौं, बाहिर जानुपरे सही तरिकाले मास्क, चस्मा र पञ्जा लगाऔं । ६ फिटको व्यक्तिगत दुरी कायम गरौँ । भीडभाडमा नजाऔं र साबुनपानीले पटकपटक हात धुने बानी गरौँ । राजधानी दैनिकमा प्रशान्त वलीले खबर खबर लेखेका छन् ।
विशेष आर्थिक क्षेत्र (सेज)भित्र मदिरा, सुर्तीजन्य र विस्फोटक पदार्थ उत्पादन गर्ने उद्योग स्थापना गर्न नपाइने भएको छ। विश...
नेपाल कम्युनिस्ट पार्टी (माओवादी केन्द्र) सँग एकता गर्न नेपाल समाजवादी पार्टीका अध्यक्ष डा. बाबुराम भट्टराईलाई पार्टीभित्रबाट नेताहरूले दबाब दिन थालेका छन् । पार्टीका अर्का अध्य...
सवारीसाधन सुविधा प्राप्त गर्ने कर्मचारीलाई इन्धनबापत नगद उपलब्ध गराउन सरकारले निर्देशिका जारी गरेको छ । सुशासन (व्यवस्थापन तथा सञ्चालन) ऐन, २०६४ को दफा ४५ ले दिएको अधिकार प्रयोग ...
सहरी विकास मन्त्रालयले निर्माणाधीन धरहराको बेसमेन्टमा सवारीसाधन पार्किङ मानवीय स्वास्थ्यका दृष्टिले जोखिमपूर्ण हुन सक्ने भन्दै सचेत गराएको छ । मन्त्रालयले त्यहाँ आवश्यक प्राविधिक तयारी ...
अस्पतालले मृत घोषणा गरी १५ घण्टासम्म शवगृहमा राखेर अन्तिम दाहसंस्कारका लागि घाट लैजान लागेका एक व्यक्ति जिवितै रहेको पाइएको छ। विराटनगरस्थित मेट्रो न्युरो अस्पतालले मृत्यु प्रमाणपत्रसमेत बनाएर १५ घण्टासम्म शवगृहमा...
ललिता निवास प्रकरणमा विशेष अदालतले बिहीबार फैसला गरेको छ । फैसला अनुसार ललिता निवासको हडपिएको जग्गा सरकारको नाममा आउने भएको छ। अदालतले त्यसमा दोषीहरुलाई कैद र जरिवानको फैसला पनि गरेको छ । ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...