कात्तिक २४, २०८०
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
प्रदेश २ मा खानेपानी शीर्षकमा मात्रै लाखौं रुपैयाँ खर्च हुने गरेको छ ।
प्रदेश सभा सचिवालयदेखि मुख्यमन्त्री तथा मन्त्रिपरिषद्को कार्यालय होस् वा अन्य विभिन्न मन्त्रालय, पिउने पानीमा मात्र लाखौं रुपैयाँ खर्च हुने गरेको छ ।
कतिपय मन्त्रालयमा त १ महिनामा मात्रै १ लाख रुपैयाँभन्दा बढीको पानी किनेर पिउने गरिएको छ ।
आर्थिक मामिला तथा योजना मन्त्रालयले आगामी आर्थिक वर्ष २०७७/०७८ को लागि विनियोजन गरेको वार्षिक कार्यक्रम पुस्तिका (रेड बूक)बाट उक्त तथ्य खुलेको छ ।
मिनरल पानी, जारको पानी, खानेपानी तथा बिजुली महसुलको तीनवटा अलग–अलग शीर्षकमा वार्षिक लाखौं रुपैयाँ छुट्ट्याइएको छ ।
मुख्यमन्त्री तथा मन्त्रिपरिषद् कार्यालयमा मात्रै आगामी आर्थिक वर्षका लागि जारको पानी किन्न ८ लाख ४० हजार रुपैयाँ, मिनरल वाटर किन्न ४ लाख ८० हजार गरेर कुल १३ लाख २० हजार रुपैयाँ बजेट विनियोजन गरिएको छ । त्यसैगरी पानी तथा बिजुली शीर्षकमा विद्युत् महसुलबापत १२ लाख रुपैयाँ विनियोजन गरिएको छ ।
त्यति रकम विनियोजन गरिएको भएपनि सबै रकम पानी पिउनमा खर्च हुन्छ नै भन्ने छैन, तर ठूलो रकम खर्च हुनु स्वाभाविक रहेको मुख्यमन्त्री तथा मन्त्रिपरिषद् कार्यालयका लेखा अधिकृत जितेन्द्रप्रसाद यादव बताउँछन् ।
‘प्रदेशका सबै मन्त्रालयका कर्मचारीहरूको पदस्थापन, विभिन्न निकायबाट कर्मचारीदेखि सरोकारवाला निकाय, माननीय सांसदज्यूदेखि मन्त्रीज्यूहरूको आउनेजाने क्रम निरन्तर चल्ने गरेको हुन्छ,’ लेखा अधिकृत यादवले भने, ‘त्यसबाहेक मुख्यमन्त्रीज्यूको बाहिर सवारी हुँदा उहाँको गाडीमा समेत पानी राख्ने गरिएको हुन्छ ।’
त्यस कार्यालयमा विभिन्न किसिमका बैठकहरू समेत नियमित सञ्चालन हुने हुँदा पानीमा खर्च हुनु स्वाभाविक रहेको उनले जिकिर गरे ।
चालू आर्थिक वर्ष २०७६/०७७ मा पिउने पानीमा वास्तविक खर्च कति भएको हो भन्ने प्रश्नमा उनले भने, ‘त्यसका लागि त फाँटवारी नै हेर्नुपर्ने हुन्छ र अहिले असार मसान्तमा हिसाब–किताब मिलान गर्न व्यस्त भएका कारण साउन महिनामा मात्र दिन सक्छौं ।’
मुख्यमन्त्री कार्यालय मात्र होइन विभिन्न मन्त्रालयमा पानीमा धेरै खर्च हुने गरेको छ । प्रदेश सभा सचिवालयका लागि मात्रै आगामी आर्थिक वर्षका लागि जार तथा मिनरल वाटर खरिद गर्न १२ लाख रुपैयाँ विनियोजन गरिएको छ । विद्युत् महसुलबापत २१ लाख ६० हजार रुपैयाँ छुट्ट्याइएको छ ।
भौतिक पूर्वाधार विकास मन्त्रालयमा जारको पानीका लागि ७ लाख २० हजार रुपैयाँ, मिनरल वाटरका लागि ७ लाख २० हजार रुपैयाँ गरेर कुल १४ लाख ४० हजार रुपैयाँ छुट्ट्याइएको छ । त्यसैगरी खानेपानी तथा विद्युत् महसुलबापत १४ लाख ४ हजार रुपैयाँ छुट्ट्याइएको छ ।
आर्थिक मामिला तथा योजना मन्त्रालयमा जार तथा मिनरल वाटरमा ३ लाख रुपैयाँ र विद्युत् महसुलमा १ लाख २० हजार रुपैयाँ छुट्ट्याइएको छ । उद्योग, पर्यटन, वन तथा वातावरण मन्त्रालयमा ६ लाख रुपैयाँ पानी पिउनका लागि विनियोजन गरिएको छ ।
भूमि व्यवस्था, कृषि तथा सहकारी मन्त्रालयमा मिनरल वाटरका लागि १ लाख ८ हजार रुपैयाँ र खानेपानी तथा विद्युत् महसुलका लागि १० लाख ८० हजार रुपैयाँ विनियोजन गरिएको छ ।
सामाजिक विकास मन्त्रालयमा मिनरल वाटरका लागि ४ लाख ६० हजार रुपैयाँ विनियोजन गरिएको छ । आन्तरिक मामिला तथा कानून मन्त्रालयमा कुल १० लाख रुपैयाँ पानी तथा बिजुलीका लागि छुट्ट्याइएको छ ।
प्रदेश लेखा नियन्त्रक कार्यालयमा जारको पानीमा ६ लाख रुपैयाँ, मिनरल वाटरका लागि १ लाख १० हजार रुपैयाँ गरेर कुल ७ लाख १० हजार रुपैयाँ छुट्ट्याइएको छ । विद्युत् महसुलका लागि २ लाख ८८ हजार रुपैयाँ विनियोजन गरिएको छ ।
प्रदेश लोक सेवा आयोग कार्यालयमा जारको पानीका लागि २ लाख ४० हजार रुपैयाँ, मिनरल वाटरका लागि १ लाख रुपैयाँ छुट्ट्याइएको छ । मुख्य न्यायाधिवक्ता कार्यालयका लागि जारको पानीमा १ लाख ८० हजार रुपैयाँ, मिनरल वाटरमा १ लाख ८० हजार रुपैयाँ छुट्ट्याइएको छ ।
प्रदेश वन निर्देशनालयमा मिनरल वाटरका लागि ३ लाख २४ हजार रुपैयाँ छुट्ट्याइएको छ ।
प्रदेश नीति तथा योजना आयोगमा जारको पिउने पानीका लागि १ लाख रुपैयाँ, मिनरल वाटरका लागि १ लाख रुपैयाँ र विद्युत् महसुलका लागि २० हजार रुपैयाँ छुट्ट्याइएको छ ।
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
नेपाल विद्युत् प्राधिकरणका प्रबन्ध निर्देशक कुलमान घिसिङले विश्व बैंकको लगानी रहेको ढल्केबर सबस्टेसन निर्माणका क्रममा आफ्नो स्वार्थ जोडिएको कम्पनीलाई कानूनविपरीत ठेक्का दिएको पाइएको छ । करिब ४ करोड बराबरको...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
यामाहाको एमटी १५ को करसहितको वास्तविक मूल्य करिब ३ लाख ६८ हजार मात्र हो, तर यसलाई यामाहाको आधिकारिक बिक्रेता एमएडब्ल्यू इन्टरप्राइजेजले ५ लाख २५ हजारमा बेचिरहेको छ । यसको शो-रूम मूल्य वास्तविक मूल्यभन्दा डे...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...